PTGF防守法: 上房安全嗎？

閱讀對像：PTGF

唔同 PTGF 會提供唔同服務，有時會涉及上房問題。我聽過有 PTGF 話，本來只係做拖攬鍚，個客都要求上房，話唔想被人見到。但結果係個女仔被迫做咗好多冇身冇傾好嘅嘢（例如除晒佢衫....）。好似近日新聞講《寒戰2》「副導」藉招網劇演員涉姦女經紀，就係個女仔跟人上房引發。
----
當然，如果冇傾好任何 SEX：BJ、ML 等，上房做乜？我可以話，你上得房就要有最壞打算，有機會發生任何事，包括被人影裸照、夾硬黎（唔做安全措施都有可能）。之後你再追究，真係有用？妳會唔會追究先？如果冇諗過失身，最好就唔好上房，但萬一真係要上房，咁應該去邊呢？（雖然我諗唔到唔做 SEX 上房做乜。等於你喺餓鬼面前鋸扒但唔分俾佢食....）
----
----
1）時鐘：呢個係最危險嘅地方。有幾個原因，去過時鐘都知，職員只會問你姓咩，個客人可以亂咁作個姓。唔登記身份證、唔留電話，乜都冇。真係佢姦咗你都冇仇報。因為冇直接方法可以搵翻呢個人出來。時鐘酒店附近可能有 CCTV 影到，但係影到個樣，警方都未必搵到個人。發生事冇仇報，係去時鐘最危險之處。（有人話時鐘大嗌，職員有機會幫你。但實際情況係，職員唔知咩事未必會撞門入黎。 若果對方要老強既，亦一定早有準備，例如用膠紙掩口或用手掩口等等。
----
2）酒店：酒店房你大嗌都未必有人聽到。但係客人訂得酒店，入住要有登記，即係出咗事問酒店就一定搵到呢個人。相對來講，作為 PTGF 可以在危急時同提下佢，你會搵到佢出來，強硬 D，叫佢唔好迫你。




----
3）上門：上門有兩種，一種係客人去女仔屋企，呢種情況係最白痴情況。你唔知客人地址，客人知你住邊，上門搞完就走，你點報仇？你報警又驚佢上門尋仇，盞自己擔心，所以好蠢。如果客人叫你上門呢？如果你預咗失身，上門唔怕收唔到錢，或畀人搞埋，咁你就上啦。通常呢類客連屋企地址都唔驚你知，都係乜都唔驚既人。一係佢好人，唔搞你，真係做翻傾好既嘢；一係就搞完你，可能走埋數，新聞成日報導。不過你有佢地址，報警搵人都易d。都係嗰句，出咗事報警又點....
---
咩地方較安全？
既然去親室內都咁危險，相對安全當然係公眾地方。所以好多人約睇戲，對客人來說，攬攬鍚鍚或抽下水喺戲院絕對安心地做到。萬一客人過份咗，PTGF 起身走都冇人攔到佢。咁多觀眾，客人可以做D咩？所以相對來講較安全。但未必個個客人都想去戲院，始終又要花更多錢，而且睇戲時又傾唔到計（何來 GF FEEL？）。
----
有 d 客會約去公園，公園都算係公眾地方。我諗個客人仲驚過你，佢至少唔敢亂黎，因為你大嗌方圓幾百米都應該聽到。公眾地方「行為不檢」驚唔驚？驚都係個客驚先啦。當然，都要搵過隱蔽位吧。