從擁有個一刻開始 係唔係注定失去: 第5章

《普通嘅承諾可能好快就可以證明 但我對你嘅承諾我會用一世證明》
26/10/2013
今日係星期六.......我一路係到
催眠自己唔係鐘意Nicole

「我唔係鐘意佢呀.......唔係呀......唔係呀.....」自我催眠中

今日都冇同佢whatapps.......唔知點解我覺得好辛苦，好想whatapps佢.........
「呀!!!WTF!!!!!」
_____________________________


我成個上晝都係到自我催眠，直到derrick打比我
「喂！李浩庭出唔出嚟踢ball??」

「好！幾點？」

「1：30分，柴灣興華足球場等」

我好快就換好衫，帶埋個足球就沖咗出去.................
坐咗45分鐘車終於到咗



「仆街又遲到！」
「撚有？」
「開ball未？」
「未，等埋肥煌 綽庭哥 同埋 上豪哥」
「屌！射住十二碼先啦」
「好啦」

射咗一陣，佢地幾個終於到咗........之後我地同令外一班踢緊足球嘅人鬥ball........我同上豪哥係前鋒 derrick同綽庭係後衛 最後肥煌守龍門..........

踢咗45分鐘之後我地去咗食M記.........


之後我地就開始傾計

「李浩庭你今日做咩呀？傳ball比你，你又停咗係到唔接」Derrick扮出奇怪嘅眼光望住我

「我冇事，可能係琴晚唔夠瞓啫。」

「做咗咁耐兄弟重唔知你d性格咩？！」綽庭用嚴肅嘅眼神望實我

「咪係！你放心喎我地唔會話比人知」肥煌好認真咁講

「我知啦！你係唔係打飛機打到冇精呢？」上豪一路傻笑一路講

「屌！你收皮！我......我.....只.....係鐘意咗個女仔」我一路講一路個口係到震

「吓！！咩話？！」佢地超驚訝........


驚訝嘅程度就好似有個靚女同地講不如我地一齊做............運動

之後我同佢地講晒我同Nicole嘅野比佢地聽，最後佢地比咗一個建議我就係.......示愛

返到屋企之後我決定示愛，我開咗whatapps之後...........
__________________________
下一章
李浩庭決定咗示愛，到底佢會點示愛呢？而Nicole又會唔會接受呢？請繼續支持小弟