從擁有個一刻開始 係唔係注定失去: 第7章

《愛係用時間去珍惜去愛去了解》

我：我昕日放假，不如昕日接你放學

Nicole:好呀

今日係星期一，唔知點解學校無啦啦放假，所以今日我去接佢放學.......我出門口之前我揀衫都揀咗好耐，最終着咗件黑色T-shirt 黃色風褸 深藍色牛仔褲，我約咗佢5點半，所以我上晝就去買d野送比佢，我行咗好耐，我就買咗隻情侶戒指(免費刻名) ，兩隻戒指都刻咗我地個名，買完之後，我去咗個friend屋企hea,佢down咗幾隻新game,不過我最中意挽個隻game叫《零》,由1點挽到5點，之後Nicole就打咗比我.............

Nicole : BB



我：係

Nicole：咁......一陣邊到等？

我：就柴灣地鐵站個間蛋糕店門口等好唔好？

Nicole:好呀

為咗比到好印象佢，我早咗15分鐘去等佢........途中我地一路都係到whatapp.......



Nicole:我啱啱落咗車

我：你見到一個着黃色衫嘅人就係我

Nicole:我放咗頭髮驚你唔認得我

我：我好樣衰，唔好太大期望

Nicole：你都係，唔好太大期望，我見到你啦



我：咁快

其實我個一刻唔知點解好想 逃避，由細到大我一向都好樣衰，所以我好驚佢見完我之後同我分手...........

過咗10秒有一個長頭髮，高高瘦瘦嘅女仔走咗埋嚟
「hi」

「........」

「不如我地行啦。」

「.........」

「做咩眼都唔眨望住我？」
「我覺得你好靚.....」



「傻豬返去send多幾張相比你，我地行啦」

「好啦！」

之後我係個袋攞咗隻戒指比佢。
行咗5分鐘，終於到咗送到佢去屋企下面個商場，佢話驚比佢屋企人發現所以就送到依到........我地互相講再一句bye bye就走咗
「唉， 一定係嫌棄我樣衰..........都係返屋企食飯」我自言自語

當我上到地鐵嘅時候佢whatapps我.....

Nicole:你好型呀，你攪到我唔敢望住你

我:唔係掛，我咁樣衰



Nicole:真架， 你送俾我嗰隻戒指我好鍾意呀

我心諗「八婆要錢架，如果你唔鐘意我買嚟送比你托柒 呀」當然依d唔會話佢知

我：鍾意咪好囉

Nicole:我愛死你呀！！

___________________
下一章
李浩庭同Nicole嘅關係出咗問題，到底發生咗咩事？請繼續支持小弟