我係喜達,撈麵界既亞視續集,一個屬於黑林頓兒子既故事: 黑邦與李克勤逃亡篇2

『咁耐架你,上車啦』

『咁我地呢家去邊呀?』

『我呀婆有間屋係果邊既,但係我地梗係去沖返個涼先架』

『死咸蟲..行啦』

轉眼間的士已經去到酒店門口





『喂喂喂精神呀老闆,幾多位呀』

一個有八成似曾志偉既男人過黎招呼我地

『兩個』

『無問題,有無相熟小姐?』

『168有無返工呀』





李克勤睇黎係呢到既常客

『老闆你好耐無上黎啦,168無做好耐喇,仔都生埋,讀緊小學囉』

『唔撚係掛』

『老闆定d黎,入房休息下先,我轉頭帶d靚女過黎比你揀』

入到房之後,黑邦好緊張





今次係黑邦第一次叫雞

黑邦需要冷靜下

黑邦巢下自己個袋,拎本『時光倒流』出黎睇

五分鐘之後,曾志偉就帶左幾個女仔入來

『老闆你好』

『我是354』

『我是75』

『我是85』





三個帶住強力push up bra既女士企左係黑邦面前

黑邦一眼就睇中左85號

85號係咁多個之中,最淡妝既一個

『呢個』黑邦怕怕羞羞咁指住85號

『好好招呼老闆』曾志偉帶走其餘兩個女仔,關上門

『老闆先洗澡吧』

85號背住黑邦除衫





而黑邦就緊張到係張床到咩都無做

85號除左上衣之後,轉身望住黑邦

『老闆你洗完澡啦?』

『嘩..』黑邦望到實一實

目測85號最少都有33d,腰又幼,完全係黑邦杯茶

『色鬼..快去洗澡啦』85號拖住黑邦隻手入浴室,望到黑邦床頭本『時光倒流』

『咦,老闆你也有看這本書嗎?』

85號鬆開拖住黑邦隻手,拎起本書睇





『係..係呀』

『我也有看呀,讀大學的時候我就最喜歡看這個作者的書』

『你..讀過大學架?』

『對呀..畢業後找不到工作,唯有在這裡工作』

『其實呢本書我有好多野唔明』

『我教你呀..你那裡不明白..呀..不好意思..我們先做完再..』

『你過夜幾錢?』





『兩千』

『我同你過夜,我地傾完本書,再做好無?』

『真的?!謝謝老闆』

85號好開心

『唔好叫我老闆啦..叫我呀邦..呀唔係..我叫小紅..呀唔係..』

『其實每個來這裡的老闆都隨便幫自己改個名字,你喜歡我叫你呀邦就呀邦,小紅就小紅』

『你叫我呀邦』

『我叫玲玲』

『咁不如著返件衫先』玲玲用唔咸唔淡既廣東話同我講

『喔..好..咦你識廣東話架?』

玲玲背住黑邦著衫

『都可以呀..老闆你唔好望住我啦..』

『喔..哦..唔好意思』

『過來這邊坐』

玲玲拖住黑邦坐係床上面

『哎也,這書是繁體字,我看不懂了』

『唔緊要啦,我讀我唔明既地方比你聽』

『好呀』

玲玲著返衫,係手袋到拎返副眼鏡出黎帶

『好靚呀..』黑邦係心入面諗

『呀..係呀..我睇唔明呢到..時光倒流所需要既條件,d學名太復雜』

『哦,我還是講普通話好了,你聽得懂嗎』

『懂』黑邦依然望住玲玲眼都唔眨

『幹麻一直看住我啦傻瓜,聽好了

書裡面也有講,只要超越光速,就有機會時光倒流,直到現在,還沒有人成功過

至於作者說試過時光倒流七分鐘,我等一下再解釋給你聽』

玲玲托一托眼鏡,雖然黑邦都已經好留心聽佢講,但係都忍唔住望住玲玲既乳溝

『色鬼,不要再看』

玲玲扮嬲,用手指輕力篤黑邦一下

黑邦被發現唯有以笑遮醜

『不好意思呀下..你講啦』

『其實從古至今,一直有不少科學家研究超越光速的可能性

期望能夠造出一架超越光速的火箭,就是我們常常掛在口邊的時光機

我們乘搭著時光機,追上地球發出的光訊號,就能夠睇到過去所發生的事情』

黑邦開始崇拜呢一個女人

『你有聽過相對論嗎』玲玲問黑邦

『我..有..有呀』

『相對論裡面有說過,只要超越光速時光就會時光倒流,但剛我都說過了,直到現在都還沒有人成功過』

『咁...』

『我知道你想問甚麼,作者根本不是依靠這方法回到過去的』

『仲有第二個方法?』

『書裡面有95%都是講解光速,時光機,蠹孔,但是,作者能夠時光倒流,是用自己的方法的』

『甚麼方法?』

『不知道呀,都沒講,我當初有懷疑過會唔會只是為了吸引讀者,但我看完之後,我覺得作者是為了更多人認識這種事情』

『哦..』

『咳..都講到口乾了』

『哦..我叫出面拎兩杯野比我囉,你飲咩呀?』

『水就可以了,謝謝老闆』

『叫我呀邦』

『嘻..好了..邦哥』

黑邦一打開門就見到李克勤挨住道門偷聽

『呀勤你做乜撚野呀』

『我執完兩劑咪出行下囉,咪聽下你搞掂未囉,無聲無氣咁搞咩呀』

李克勤申左個頭入黎見到玲玲

『嘩幾撚正咁囉四眼妹,過黎比叔叔執返劑先』

黑邦接過服務員比佢既兩杯水之後,一腳踢李克勤走

『屌你走啦』

『唔好意思呀下..我個朋友個腦有d問題』

『不是呀,我覺得他很有趣呀』

『有趣?哈..來..飲水先』

『謝謝』

結果黑邦就同玲玲傾足一個晚上,直頭朝早

大家都無晒力咁訓左係床上面,互望住大家

望實大家

『我還有半小時就下班了,你要不要來一次..』

『不用了』黑邦一手擁抱住玲玲,玲玲亦都無推開佢,小鳥依人咁訓係黑邦既胸膛上面

『你有無諗過轉行呀?』黑邦點了支煙

『有呀,我打算再做半年就回鄉下』

『返鄉下做咩呀?』

『還未想過呀,只想早日逃離這個鬼地方』

『哦..』

『你還會找我嗎?』

『會呀』

『我們交換電話好不好』

『好』

黑邦根本無聽清楚玲玲既問題,只想好好享受埋呢半個鐘

好好享受抱住玲玲既感覺

玲玲係手袋拎部手提電話比黑邦

黑邦用玲玲既電話打比自己交換電話

『存好了』

『對了邦哥,你全名叫甚麼』

『..我叫黑邦』

『你騙人』

『無呃你呀』

『誰會幫自己的兒子改個名字叫黑幫呀..騙人啦』

『我爸改的,我都想問下佢點解同我改個咁既名,不過係我好細個佢就唔係到』

『不好意思呀』玲玲楚楚可憐咁望住黑邦,黑邦當然無放係心上,只有抱得更實

『你呢..你又叫咩名』

『我叫楚玲』

『楚玲..』

『對呀..』

楚玲爬起身坐係黑邦個肚上面,彎低身好仔細咁望住黑邦個樣

『邦哥你今年幾歲?』

『二十一』

『真的?!我還要比你大耶』

『你幾歲?』

『我二十三了,看來你要叫我玲玲姐了』

楚玲望住黑邦笑得好甜

黑邦一手抱實楚玲坐起身,楚玲兩隻手搭住黑邦既膊頭

『玲玲姐』

『..小邦邦』

黑邦慢慢將嘴唇貼落楚玲既嘴唇,舌頭亦都伸左入去

楚玲都無反抗,反正楚玲一早就對黑邦有好感

『do..do..do』

床頭既電話響起了,楚玲單手拎起電話,但嘴巴仍然被黑邦佔有住

楚玲輕力推開黑邦

『你好,知道了』

『邦哥我要下班了』

『玲玲姐..你唔記得左大過我咩?』

黑邦輕撫楚玲臉蛋,愛不惜手

『好啦..小邦我要下班了』

『再見玲玲姐』

『再見』

楚玲拖住黑邦隻手行出房間,一開門,又見到李克勤係到偷聽

『屌你係咪變態架』

『你天光先返出黎,我以為你暈左呀麻,嘩,拖晒手咁,過黎,比我篤下對野睇下堅唔堅先』

『我手都斬左你呀』

『下..玩下姐,唉唔阻你地道別喇,我係大門等你』

黑邦再次將楚玲擁入懷中

『你一定要打電話給我..』

楚玲兩眼通紅

『知啦,你返到去休息下啦』

大家都唔想放開大家

『嘩老闆,搞成晚都未夠呀?但係女女要收工囉』

曾志偉唔知係邊到出現,烚熟狗頭咁既樣

『得喇,一陣出黎啦』

『哈..老闆..但係夠晒鐘啦』

『比多一分鐘我啦,走開啦』

『哦..好..我出去等你地』


『我們仲有一分鐘』

『對..』

黑邦知道自己犯左一樣北上大忌

沉船

而楚玲都同樣犯上大忌

愛上客人