守護天使: 特別編

Hi 我係Anna
你問我最後點解會揀Leo,
可能真係緣份,
我記得第一次見佢,係佢嚟interview,無諗過佢就係幫我搵返手機嘅人
初初對呢個細路無乜特別感覺,咪又係嗰啲日夜都對住部手機嘅後生仔.
直至有一次係碼頭撞到佢,佢見到我唔開心居然想盡辦法開解我,
由個次開始我就覺得呢個細路幾得意,
有次我同Paul鬧交,又咁啱喺酒吧俾人撩,佢同佢朋友幫我解圍,而且佢為我強出頭唔止一次.

不過呢,佢把口就唔收,


有時都唔知係咁啱定係佢撞彩,
好多時我最唔想去諗嘅嘢偏偏就俾佢講中,
有次激到我幾慶呀,我咪成個星期唔彩佢,個傻仔走去買張卡俾我道歉.
今時今日重有人會咁CARE人地真係好少有.而且佢對人都幾真,又幾體貼
個次我病咗佢煮飯俾我食,我真係好開心,我係第一次有家嘅感覺,對住佢我好放鬆.
雖然佢細我好多,但係我覺得佢會保護我,佢好錫我,好關心我,好緊張我.

Paul對我呢講同樣重要,佢改變咗我一生,我對佢嘅感情同樣係真,Paul好重視佢家庭,而我唔想做一個破壞人家庭嘅兇手,我一直都只係佢身邊默默十幾年,無入侵佢家庭.
亦可能因為咁,我對佢嘅感情起咗變化,唔通我呢一世只可以做人情婦?



雖然佢同樣會保護我,但係有一樣嘢同Leo好唔同,Paul係用佢能力以內保護我.
而Leo佢係做超越佢自己能力嘅事嚟保護我,或者就係因為佢呢種傻勁被佢感動到.
係Leo同Paul中間做一個決定係痛苦,我兩個都愛,

我知我好自私,一方面唔想放棄Paul,一方面又想留Leo喺身邊,
我亦知我對Leo傷害係最大,佢同我一齊佢會承受好大壓力,所以當初我先選擇放手.
呢個係我人生中最後悔嘅決定.
人就係咁,無咗先嚟珍惜.
佢唔喺我身邊,我就好似無咗一半靈魂咁,越唔去想就越想.嗰一刻我知道我已經無可能再同Paul一齊,我做咗最後一次任性決定.
當我返到香港已經搵唔到Leo,


當時我好失落,我完全唔知可以喺邊度搵到佢.
那怕只有1%機會,我都要試,我要搵返我嘅Guardian angel.
我地係由緣份開始,就由緣份帶領我地,我相信佢一定會再一次出現喺我身邊.

----完----