【異地】遇上那個你: 【異地】遇上那個你--- 第12章 表白

宋雨欣回想起張慧怡既所作所為更加嬲同傷心。所以令佢痛恨自己父母。

雨欣咁多年黎都一直覺得好攰，曾經好想完結自己既生命，但係被外公及時發現阻止，所以佢知道雖然外公對佢好嚴厲，但其實心裹面都係好愛佢。

「傳叔，我今日好攰呀…你黎接我啦…」於是雨欣就離開學校。

晚上，雨欣煩亂躺係床既時候突然手機震動。

【雨欣，點呀？吾舒服呀？好掛住你呀❤】伊夫斯whatsapp雨欣。



【係呀…估吾到你都會有咁既一面喎~】雨欣突然覺得伊夫斯好窩心，見到伊夫斯話好掛住佢，覺得好笑。

【點既一面呀？】伊夫斯。

【搞笑既一面囉。好掛住你呀❤呢句野】雨欣。

【嘿嘿，真心架❤不過我感覺到你有啲吾開心喎】伊夫斯。

【咁你都知…】雨欣對呢樣佢咁講好驚訝。



【吾好諗咁多...做你想做既事。我會支持永遠係你身邊。】伊夫斯知道雨欣吾開心係因為張慧怡係雨欣早退既時候藉機同伊夫斯講左啲野。

【嗯。好呀～你記住真係要永遠係我身邊呀】雨欣只係開玩笑。

【吾早啦～早啲休息啦～晚安。】伊夫斯雖然感覺到雨欣開玩笑，但佢決定認真地追求雨欣。

【晚安！】雨欣。

第二日朝早。
雨欣如常自己翻學…出門口既時候一邊聽住音樂一邊掛住覆公司既信息所以並冇留意任何人~而係佢身後一直有一個人跟蹤住佢。



雨欣一路行既時候，因為太專心並冇留意迎面突然有一輛單車。

「雨欣！小心！」就係單車快要撞到雨欣既時候突然有一隻手將雨欣快速扯向自己懷抱。

雨欣明顯地被剛才既單車嚇親，所以嚇到呆一呆~當佢反應到既時候就慢慢離開某人既懷抱，但係馬上又被擁得更加緊。

「你...下次要小心啲啦～吾好掛住㩒電話呀。」伊夫斯差啲就用左憤怒既語氣話雨欣，只不過見到雨欣自己都嚇親而且立即覺得好心痛，佢真係難以想像雨欣出意外。

諗到呢度，伊夫斯不禁把手臂攬得雨欣更加緊，心跳亦加快。

「伊夫斯…多謝你」雨欣雖然未黎得及望係邊個，但係只係聽把聲，雨欣都可以肯定依家攬住佢既係伊夫斯。

「雨欣，記住吾單止我永遠會係你身邊，你都要永遠留係我身邊，因為…我好中意你。」伊夫斯捉住雨欣雙手。



「…」雨欣對於伊夫斯既表白反應吾到，只係碌大雙眼望住伊夫斯。

「哈哈~你呢一刻吾洗答我住~俾3個月時間我向你表示我既心意。我會以行動證明俾你睇~」伊夫斯見到雨欣呢個樣就覺得又好笑又可愛。

「嗯…」雨欣只係微笑回應。

伊夫斯見到呢一刻既雨欣真係覺得好可愛，但雨欣突然間同伊夫斯講「同我去一個地方呀～」

「好呀。你要我去邊我都去呀～不過你依家係呢想同我約會呀…哈哈哈…」伊夫斯故意同雨欣開玩笑。

「係呀…伊夫斯先生。你吾行我就行先啦～」雨欣亦都同佢開玩笑。

去到便利店門口，伊夫斯捉住雨欣。

「黎便利店做咩呀？第一次同我約會竟然去便利店。雨欣你特別我就不嬲都知，不過約會可吾可以去啲正常啲既地方呢？」伊夫斯繼續同雨欣開玩笑。



雨欣淨係報以一個假笑同反白眼，之後就行左入便利店，伊夫斯亦都跟係身後。雨欣然後後到去賣急救用品既貨架，然後就拎起一個小型急救包。

「雨欣，你邊度受傷呀？你做咩吾同我講呀？」伊夫斯見到雨欣拎起小型急救包俾錢就更加緊張。

「我冇事呀～你放開我先，你睇下你手臂…受傷啦。」雨欣見到伊夫斯咁緊張自己好窩心。

「你地真係好襯！真係羨慕小姐你有個咁愛自己既男朋友。」女收銀員誤會佢地係情侶。

聽到收銀員咁講，雨欣只係微微一笑而伊夫斯內心都非常開心。

P.s 待續......