【異地】遇上那個你: 【異地】遇上那個你--- 第14章 做我男朋友

「哥，你其實係咪中意雨欣…」晚上承文同承天一齊落bar飲酒。

「你…你…點知架？」承天有點驚訝。

「你既眼神出賣你啦…加上我又係你細佬點會睇吾出。」承文雖然成日玩玩下，但呢一刻既佢非常認真。

「唉…不過…」承天有啲有口難言。

「我知…不過你見到雨欣同伊夫斯既感情而不知所措。」承文睇得非常通透。





承天只能夠默認點頭。

「呢個世界凡事都有公平競爭，加上我地兩個既真正身分，你要知道我地想要既野，從來都冇話得吾到過！有我幫你，你就去啦。」承文鼓勵承天。

「嗯…雨欣係我既。」承天好似真係忽然俾承文點醒。

第二日，雨欣一樣時間出門口但一出門口就見到伊夫斯。

「早晨呀～」雨欣早就知道伊夫斯係門口等佢，因為伊夫斯一到就傳左短訊俾雨欣。





「早晨呀～」見到雨欣，伊夫斯笑得更燦爛。

「知吾知你今日有咩任務？」伊夫斯邊行邊問雨欣。

「知啦知啦…你今日得閒就傳短訊俾我啦？」雨欣心知伊夫斯所謂既任務就係幫佢消毒傷口。

佢地有講有笑咁行入學校，氣氛非常温馨。

「雨欣今晚我媽媽邀請你黎我地屋企食飯，可以嗎？」承天藉機借寄宿家庭為由邀請雨欣，但承天俾雨欣既感覺突然有啲不同，但又講吾出有咩吾同。





「好呀～冇問題呀。」承天既寄宿家庭一向都對雨欣印象非常好，所以都非常喜歡承天同雨欣一齊。

「好。咁今日放學我地一齊走啦～」承天心裏非常高興。

企係一旁既伊夫斯當然感覺到承天既不同，伊夫斯內心非常不爽。

「嗯。咁我去上堂先啦～」單純既雨欣當然察覺吾到任何不妥。

承文，承天，愛爾同心嶶因為都係同班，所以永遠都能夠有非常多既話題，而雨欣亦都被佢地捉住。承文，承天當然吾會俾伊夫斯有機會接近雨欣。

中午午餐時，承文同承天好快就跑到去飯堂拎定5人位等雨欣，愛爾同心嶶慢慢行黎。佢地幾個邊食邊講笑，氣氛非常好。而伊夫斯同班朋友一齊走到飯堂時，就已經尋找雨欣既身影。

當佢揾到雨欣時見到承天坐係佢身邊，而承天正係雨欣耳邊細聲講秘密，之後就見雨欣不停笑，雨欣又係承天耳邊細聲講秘密，呢一切全部落入伊夫斯眼中，激起伊夫斯心裏既怨火同妒忌，令伊夫斯完全失去理智。

伊夫斯同朋友故意坐係雨欣前面既另一張枱，同雨欣，承天完全能夠對上眼，雨欣見到伊夫斯只係微笑點頭地打招呼，承天眼見好機會在手當然把握住啦，開始同雨欣坐得更埋，甚至撘住雨欣肩膀，而雨欣亦都只係當承天好朋友所以冇諗太多，而伊夫斯既臉色更加不對，所以完全失去理智。





「伊夫斯，可以同你一齊食飯嗎？」曾慧怡突然走向伊夫斯面前。

「可以，當然可以。」失去理性既伊夫斯呢一刻只想雨欣能夠妒忌，只要雨欣妒忌就代表雨欣都愛佢。

雨欣見到曾慧怡同伊夫斯坐埋一齊食飯就開始擔心伊夫斯受任何傷害，但佢亦都不能夠表現出黎，因為咁就會中計，所以雨欣只係冷淡咁掃過一眼就繼續聊天。

曾慧怡見到伊夫斯神色不對，於是就把握機會。

「你喜歡雨欣？我可以幫你。」曾慧怡開始佢既復仇計劃。

「點樣幫？」曾慧怡既說話立刻能夠令伊夫斯緊張。

「做我男朋友…我做你女朋友…」曾慧怡非常認真。





P.s 待續…