【少少甜】扑野扑得你心碎: 十五

「頭先做野較左靜音呀嘛。」我同Lucy異口同聲說。
 
「立生，有緊急事想搵你幫忙。」阿輝拉住我講。
「有乜第日先傾啦，做左成日野我依家好攰呀。」我說。
 
「陣間我約左條女食宵夜，你過黎幫我視測下啦！」阿輝說，：「Lucy唔好走住，預埋你架。」
 
視測并唔指視力測試，而係「全方位觀察女士性愛經驗全紀錄。」（其實只係視淫既另一個比較formal既說法。）
 
Lucy停住腳步問：「食咩先？」




 
阿輝答：「去一寶打邊爐呀，我請。」
 
「就黎十一點都仲有得打邊爐？你包左場呀？」我問。
 
「係呀係呀，行啦。」阿輝拉我同Lucy走。
 
經過十幾分鐘車程，我地三個黎到尖沙咀一寶火鍋店，而阿輝既女伴早已向門口等候。
 
條女大概一米五高，身穿淡藍色連身裙，扎住條馬尾，帶個圓框眼鏡，睇樣就似d青春文青，但內裡係咪咁清純就未知。




 
原來一寶今日係週年慶祝，所以延長營業時間到凌晨。
 
坐得唔夠一陣我feel到電話響度震，我拎出黎一望，原來係坐我對面既阿輝text我。
 
佢叫我依家拿拿臨視測條女。

我心諗：唔撚係掛，我野都未食喔，屌。
 
隔左唔夠一秒，坐我隔離既Lucy又text我，佢send左他條NOW新聞即時新聞Link俾我。




 
我開黎一睇，打左個突。
 
新聞報道話晚上十點警方係長洲一間度假屋裡面發現一條全裸女屍，死者頸上有被勒過既痕跡，并發現手背上有與之前沙灘女屍黃麗麗同樣既紋身……
 
我都未睇曬篇報道，阿輝條友係咁text黎催我。
 
我抬起頭睥左阿輝一眼，點知個傻仔以為我同佢打眼色，大聲講左句：「咦，立生，你快面好似有d野喔。」
 
Lucy同阿輝身邊既女伴都不約而同咁望過黎，阿輝繼續同我打眼色示意我趁呢個時候同條女對望三秒。
 
見佢饑渴，我唯有拿拿臨視測條女滿足下佢啦。
 
趁對方仲偵測緊我塊面係咪有污糟野，我抓緊呢個機會立即同佢視線接觸三秒。
 




三、二、一。

一日內第二次進入視測狀態。