到達屬於我們工作範圍的走廊後,「她」對我說:「哈囉…居然是你阿,又會咁橋分到一起工作。」

我便暗爽心想「我們只見過一次面,又沒有交流過,她居然認得我。」

我回應:「Er…係囉係囉,又會甘岩得甘橋既。」然後來一個招牌式傻笑。

「她」說:「嘻嘻,係囉…好彩係part住你炸,如果part住d老屎忽就慘啦,成日流流長都唔知點過。」

「她」繼續說:「係呢,我叫Christies阿,你叫咩名阿?」



原來「她」叫Christies,過了這麼久,我終於能夠知道她的芳名了,我情不自禁地笑了。

我說:「我叫阿偉阿,不過我比較中意別人叫我,劍偉,但每次這樣介紹完叫劍偉,別人都會很自然叫我阿偉。」

Christies不停點頭說:「係阿,我開頭入黎人地問我叫咩,我講Christies,佢地都會問我中文名係咩,之後就係咁叫我阿賢,但我覺得好難聽,所以係咁叫佢地嗌英文名,過左一排佢地先肯嗌我Christies。」

我很認同地說:「係阿,全個宴會部,個個都叫阿咩阿乜,例如叫阿豪,阿樺,阿信,一定會有重覆。」

Christies說:「係囉…成日唔知佢地叫緊邊個打邊個,七國咁亂。」



半晌,Christies繼續問我:「係呢…你今年幾大阿?」

我笑着回應:「19歲阿。」

Christies驚訝地說:「居然咁細個,你估下我幾多歲?」

我故意估大一點,說:「你睇落似24歲囉。」

Christies裝作生氣地說:「食屎啦你,我邊有咁老,有人仲話我似18歲阿。」



哈哈…原來Christies也有粗魯地一面,看她的樣子以為很斯文。

我繼續問:「咁你幾大阿,小姐?」

Christies回答我說:「我21歲炸,大你1年咁大把。」

於是乎,除了食飯的半小時外,我們一整天都不停在聊天,使我心情大好,我更知道了Christies是個大學生,讀心理治療的,而且住在東涌,但亦有另一個家在青衣。

但後來我才知道,那一個家不是和她有親戚關係的家,而是…………………