第二天中午Christies whatsapp我說:「今日單野5點半完,預計收7點。」

我秒回:「無問題阿,我預7點鬆d到中環,有delay既話我知。」

「Ok…今晚去銅鑼灣食得唔得阿?我想去買唇膏,想買勁耐嫁啦…日日都無時間。」Christies回覆。

我:「好阿,就你啦…不過唔係我地頭,你要諗諗食咩喎。」

我心想「食咩都無所謂,重要既係,陪我食個個係你。」



Chrisites:「諗唔到就食譚仔啦…哈哈。」

晚上約6時,我襯了套合式的衣服就出門搭地鐵,並whatsapp Christies說:「我而家出門啦。」

約6時45分,Christies跟我說:「就收啦就收啦…」

我:「我到啦…係藍線車頭等你。」

過了一會兒,Christies就到了,她穿着一件純白色直條短袖,配搭一件粉藍色的短裙和一對白色的波鞋。



雖然都是一些簡單的衣服,但穿在她身上卻非常地合襯和亮麗動人。儘管不是第一次看她穿便服,但仍我不禁看呆了。

直到Christies來到我面前笑一笑地說:「唔好意思阿,要你等咁耐,收工換衫換耐左。」

我才回過神來道:「哦…唔緊要,我都係等左一陣炸嗎。」

「同埋呢…我今朝趕住出門番工,唔記得左拎你份手信,sorry阿。」Christies尷尬地說。

「唔緊要啦…今次攞唔到咪下次囉,實有機會既。」我忍笑地回應。



其實我心裏高興得很,今晚這頓飯明其名為拿手信,實質是我想跟Christies單獨吃飯。