她之後又說,其實還有另一件事。

我說,願聞其詳。

她說,不想打字,又打一篇很累,待會致電給你。

等了一會,Christies來電了。

「喂?你估下咩事?今次係關我事既。」



我頓了頓說:「點估阿,乜提示都無。」

Christies說:「Um…同班客有關既。」

「咁係好事定壞事黎?」我問。

「Er…我都唔知啵。」

我真是汗顏,說:「班客稱讚你?」



Christies:「唔係阿,我話你聽啦…dinner前呢就會有個cocktail仔,咁我就負責派野食,咁開頭好少客,所以問黎問去都係個班客,

有時有d野食未又,個班客同我講話想食仲有無,咁當再出個d野食既時候,我就攞去比佢地先,都有傾下計,又問我係咪大學生阿,讀year幾個d,

其中一個客個樣似3字尾,4字頭個d黎,就問我叫咩名…咁我自問都算係敬業樂業,以為佢想讚我所以話比佢聽我個名,點知原來唔係,

跟住我就無再見到個個人,去到就完event個時,佢走啦,係門口到見到我,跟住行埋黎話,Christies仲未走阿?我話係阿。

佢繼續講,問我可唔可以比電話佢,話得閒約我去尖東飲杯野。」



聽到這裡我不禁不爽地嘖了一聲,心想又是一個伯父,又是一個鹹濕的「無限」。

Christies繼續說:「個時我周圍都無人,隔離個女同事又唔識救我,我於是就話,Er唔好意思阿,我做緊野唔係幾方便比你,

之後佢繼續話得閒飲杯野阿,你電話幾號?我心諗又問,於是我又講一次,真係唔係幾方便呢…我做緊野,唔好意思阿。

佢個friend係隔離就打完場話,唏…人地都話唔方便囉,你就唔好逼人啦。跟住我就借d意行開左,避開佢地。」

我難掩心中怒火說:「聽到一半都估到唔係好野,佢當你係援交阿?以為比得起錢就可以叫人陪佢出去?懵撚左阿…」

這是我第一次在Christies面前說粗口,可是真的忍不到。

她哈哈地說:「我都唔知算係好事定唔好事。」

我立刻說:「廢話,當然係唔好啦。」



「咁如果係後生靚仔呢?」她問。

「無關係,我依然會覺得係唔好,姐係唔係人既問題。」

「咁係咩問題?」她繼續問。

我說:「成件事已經係一個問題。」

「咁我最後都無比到佢嗎。」Christies說。

突然Christies問:「咁如果個個唔係我係第二個女同事呢?」

為免又被她覺得我flirt她,又一次把我狠狠推開,於是我說假設性問題不回答。



豈料她死不放棄,繼續追問:「唔係我你又會唔會咁著緊先?」

「唔係你既,我緊係唔著緊,話知佢死,正正因為呢件事既主角係你,我先會勞氣先會著緊,因為你係我心目中係一個好重要、好重要既人,沒有你,我甚麼都不是。」我說出內心的感受。

遇上你我變得罕有
我踏上奇遇裡漂流

無論結尾眼淚做報酬
評語或拍手 旅程難過都豐收

Christies甜蜜地笑說:「嘻…傻瓜。」

對!我們真的很傻,結尾的報酬是眼淚,我們都仍奮不顧身。

你說我傻 傻在愛上沒有感情的分身


我說你傻 傻在愛他就固執的奮不顧身

我們都傻 傻在寧願被犧牲也不願放棄天真
還在期待會有奇蹟出現

聊着聊着,她已經到達屋苑的大堂,所以我們便結束了這次通話。