是命運，令廚師和香料遇上: 第二章 是幸福呢?

「老闆，我同媽咪係橫頭堪果間餐廳等你呀，你收工就過黎啦。」小遊對仇九說道。

今天，是小遊的生晨，她決意要去橫頭堪一間隱世印度咖喱店食晚飯。

由仇九的工作地點到橫頭堪那間餐廳，的士錢約三十多塊，是仇九的應付範圍內。

當日下午，落場時間。

「九哥，我地過馬會睇J-LEAGUE呀，你去唔去呀？」文迪問道。





「廢話，係人都知我淨係鐘意睇港甲架嘛！當年和仔係邊線呀......」九哥還未說完，眾人已失去縱影。

茶餐廳內空無一人，仇九如往常一樣走到廚房去鑽研一下新菜式。

他一邊煮，一邊望著枱面上，將要送給小遊的生日禮物。

一部她想要很久了的智能電話。

九哥每天把40塊錢儲起，儲了也不知多久，終於買到給小遊。





想到自己明明現已不算窮困，但還是習慣每天只用五十元，仇九自已也不禁失笑。

失神間，仇九沒有留意到鑊中的炸油已滾起，呆呆地把還未處理好水份的河粉，拋到鑊中。

原來的「慢油炸河粉」，變了「滾油炸手臂」。

「嘩，嘩。頂，嘩。」仇九只能發出這樣的叫聲。

他衝到水盆處用流水沖洗手臂，一顆又一顆的水泡立時出現。





「嘩，好鬼痛呀。」仇九道。

仇九心中想要立時趕去醫院處，但又想到自己荷包內的情況...

他望望鐘，再不去，晚市就快要開始了。

「哼，當年比人斬兩刀都係滴兩滴紅藥水無事啦！今時今日係老左，加埋紗布就無事啦！」仇九走到急救箱處，自言自語道。


是夜

「嘩，老闆，多謝你呀，部機我想要好耐啦，媽咪又死都唔肯買比我。」小遊拿著手機，高興地說道。

「傻女，你鐘意就好啦～」仇九用疲憊的聲線說道。





「好啦，食飽就返去啦，九哥眼訓架啦。你睇佢隻手，無啦啦都可以比油彈到既，就知佢今日不在狀態啦！」美芳道。


家，凌晨

「九....九哥，你發高燒呀。」美芳說。

「係....係咩？喝杯水無事啦。快Ｄ訓，聽日仲要送小遊返學...」仇九迷糊地道。

「燒到痴左添呢件，小遊都中四仲要你個老野送返學...」美芳失笑，但心裡是十分擔憂。

救護車在十分鐘後來到。

「小遊你訓啦，我去得啦，聽日再打比你話你聽老闆點啦！」美芳說。





「嗯。」小遊揉揉眼睛應道，再上床去。


醫院內

「太太，你老公隻手差D要切除啦。咁大個人都唔識照顧下自己既佢？而家佢隻手受細菌感染，引致佢發高燒。留院一日睇下咩情況先啦。」

「好....唔該晒醫生。」美芳道。

「仇九！你隻手咁大件事，做咩要講大話呃我？」美芳在病床邊問道。

「喂，咁我真係覺得係比油彈親下姐....」仇九說:「我唔想比兩滴油，令我陪唔到小遊過生日囉。」

「你....你真係痴線架...」美芳的淚也按捺不住。





原來，被當成公主，會感到如此痛心。
為王子所作的犧牲而痛心。