是命運，令廚師和香料遇上: 第六章　終曲　1

「老公，小遊話想將個酒席取消。」美芳說。

「痴線！仲取消？取消左我咪一定睇唔到個女出嫁？」仇九道。

「之但係.....」美芳還沒有說完，小遊就打斷了她。

「媽咪，我同呀健都決定，下個月就先去註冊！然後，我地咪自己人擺幾圍食餐飯先囉。」

「傻女，唔洗為左我搞咁多野，我會頂到你出嫁果日既！」仇九笑說。





「傻啦爸，我係怕正式果日太緊張，想預演一次先姐。」小遊說。

「結婚都有預......你...你頭先講咩話？」仇九突然雙眼通紅，問道。

「爸！爸！爸！」小遊跳進仇九懷中，放聲大哭。

「乖女，乖女！原來有癌咁好架？可以聽到一聲爸。」仇九邊哭邊笑道。

「爸，對唔住！我諗住可以慢慢，慢慢咁去報答你咁錫我同媽咪，但....但....」小遊再也講不出半句話。





「我明，我明，我真係明架啦。女，你一直都係我既乖女，乖女！」仇九也不知還可說什麼。

就這樣，一聲爸，一聲乖女，此起彼落。

似是要把過去多年來的空白，一一叫滿它。
也似是要把未來不能再叫的空白，亦一一叫滿它。