(少甜)我錯過既女仔,我錯過既機會: 第二十八節:掩飾

在我和阿殷成為了正副主席的期間,我們透過與班主任的溝通之下,在短時間裏成功舉辦了兩次班會活動。

第一次是比較大型的班會三日兩夜的宿營活動,第二次就是聖誕節燒烤活動。

我們班上的同學,不論男或女生相處都變得融洽了,不再只有讀書那種嚴肅的風氣,現在增添了一份活力。

不過重點不要這個,重點是我和阿殷的關係因為多期需要溝通之下變得更加熟絡。

但對我來說這並不是一件好事.......



我依然有跟阿施保持連絡,她這段時間都問我有關功課的問題,我就以師兄的身份教導她。

我們三人每隔一段時間都會約出來,有時唱卡拉ok,有時吃個晚餐,有時候捉膝談心,總知一定會找到理由三人聚在一起。

有一天我們相約到公園談心,阿殷有事要處理剩下我和阿施:

「阿豪,你其實知唔知道阿殷鐘意左你?」

阿施突然這樣說,令到我有點懷疑又驚訝



「我覺得你就算唔知都應該feel到,阿殷同你相處耐左,我都留意到佢對你既感情變化。」

「本來我都以為自己會錯意,但有一日我同朋友去完街,咁岩阿殷就whatsapp我話有啲唔開心,想搵我傾下。」

「我緊係第一時間應承佢啦,佢約我係依家依個公園等,佢同我傾左好多好多野。」

「佢唔係同妳講佢鐘意左我呀?」我打斷阿施的話,因為我真的很想知道

「你聽我講埋先。」



我靜下來繼續聽阿施說,看來阿施非常認真對待這件事......

「其中一樣佢個日唔開心係因為你,你地個日因為班會事務而嘈起上黎,雖然件事係個日解決左,但佢依然好唔開心。」

我記得那一次是我認識她以來嘈得最厲害的一次,最終我都退一步才解決事情。

「除此之外,她還說你不了解和明白她,很多時候她都做到出哂面,但你都唔明白。」

沒錯,看來我又重複犯了同一次錯誤,我沒有在阿琳身上吸取到教訓.......

「由佢叫我協助佢處理班務到聖誕節送自製水晶球給你,咁明顯你都唔明白!」

「最後阿殷親口跟我說佢鐘意妳,係佢親口同我講!」

「唔係我唔明白,而係........」



「唔洗搵藉口啦,你怕自己擔當唔起依個男朋友這個角色?你未試過又點知唔得呢!」

跟我熟絡的女生,沒有一個會有好結果,這是我經歷多次的結論。

曾經有一段我認為會長久的感情放到我面前,但我因為膽怯而拒絕去升華這段感情。

如果我嘗試接受,會不會有所改變?

「雖然對你黎講我仲細,但我睇得出阿殷真係好鐘意妳,由佢認識妳開始既舉動到現在的確變了很多。」

「接不接受始終由你黎決定,我無咩權力同資格去干擾,好啦我都走先啦,自己諗清楚啦......」

「啊!!阿豪其實我都有鐘意過你,但我知道阿殷對你既感覺之後.........」



「唔好辜負阿殷對你既感受呀。」

在一夜之間接受了大量的訊息,令到我難以消化。

不過,為了不再犯阿琳的錯,我下定決心........

亦都是給予自己一次機會,嘗試打破跟女生熟絡再分開這個命運。



(依一節我用左比較耐時間去鋪排,一黎怕進度突然太快,二黎怕加插其他事會拖進度,最後有啲粗略出左依一節,寫得唔好唔好見怪~
另外,12點依舊無文,故事亦都步向結局,究竟會係good定bad end,敬請繼續追故~)