(少甜)我錯過既女仔,我錯過既機會: 第三十二節:分手

由於近排有比較多的班務需要我和阿殷處理,所以我都沒跟她談及到我們之間的事。

直到六月的時候,我們整整拍拖拍了五個月。

由新年的一吻到現在,想起當天的情境在不久後就要成為回憶......

在六月的某一個星期六我約了她夜晚到以前和阿施談心事的公園見面。

「你好耐無主動約過我啦,係唔係有啲緊要野想同我講?」



阿殷坐在我旁邊的鞦韆並意識到我有重要的話.......

「妳仲記唔記得妳對我既第一吻?」

「依家諗番起我覺得妳真係好主動好勇敢。」

阿殷沒出聲只坐在我旁邊聽着我說

「妳仲記唔記得我地一齊去許願樹個日?」



「個日我行開左去買桔,番到黎見唔到妳我就周圍搵妳,我見到妳抱住個小朋友幫佢掛個桔上許願樹上面。」

「個一刻我覺得妳將來會係一個好媽媽,我仲影低左set左做wallpaper.......」

我說不下去了,一幕又一幕的回憶不斷湧出,淨忍著淚水已經很辛苦........

「我緊係記得,同你一齊做既野我全部都記得,你係一個幾好既男仔我都會記住。」

阿殷在背包拿出一樣東西出來放到我面前。



「你仲記唔記得有一日我叫妳陪我出去買啲野?依樣就係我個次想去訂既禮物。」

我眼前是一套周杰倫的最新專輯,我印象只跟阿殷說過一次我喜歡周杰倫.......

我接過這份禮物後想開口道謝,不過被阿殷搶先:

「依份禮物本來我諗住到你生日先送比你,但我知道唔可以同你慶祝生日啦......」

「多謝你一直以黎既照顧包容同幫我一齊搞班務活動仲有好多好多野.......」

「最後我想講既係,我係許願桔上面寫既願望係"希望可以同林啟豪白頭到老",我諗已經係一件無可能既事啦~」

「我地正式分手啦,我會記住同你一齊經歷過既日子,多謝你。」

阿殷說完就馬上跑走了,剩下我一人拿著她送給我的唱片。



林啟豪你連分手都要一個女仔同你講,你真係好無用好差勁........

一個這麼好的女仔又再一次被你糟蹋了,我知道在阿殷心中已經造成了不可修復的傷口。

我還要錯過或失去多少女仔才足夠?