(少甜)我錯過既女仔,我錯過既機會: 第三十七節:疑惑

原定時間和地點,我在樓梯轉向校門的時候已經看到阿明自己一個靠在牆邊等我。

阿明看到我後興致勃勃地向我揮手,看到他還跟以前一樣熱情,我心中感到一絲的溫暖。

「好耐無同你講過野啦,大唔大壓力呀?淨番依半年都無既時間。」

阿明邊行邊跟我說

「緊係大啦,差唔多日日都要留係到補課,返到屋企又要自修。」



我先不提醒阿琳的事,這麼久沒跟阿明搭上話,一開始就問有關阿琳的事好像有點不禮貌。

「真係好想快啲考完個DSE,但一諗到要同中學同學分開又有啲唔捨得,真係好矛盾......」

「係囉,我都係咁諗.......」

一路到餐廳的路上,我們都閒談著,給我的感覺是述如回到中二,三的時候。

「你好似仲同小姬好恩愛喎~」



我慢慢引入今天的重點

「都唔知算唔算恩愛,愈熟大家就愈係為左啲少事而嘈。」

「就係因為太熟知道左對方既另一面就會開始有啲反感......」

阿明聽完後低頭思考了一會兒

「依個就係你同阿殷分手既原因?」



我有一點的驚訝阿明會知道,但想了一想我和阿殷拍拖的時候又真的比較高調,分開了很容易被人知道。

「差唔多囉,仲有其他因素既......」

「咁我再問你,你有無後悔過?」

我不太理解阿明這句的意思,好像包含了其他的含意。

「有少少,話哂都拍左咁上下日子拖。」

「咁你依家仲有無對阿琳留戀?」

阿明這問道真合我心意,我開門見山地回答他:

「有,我後悔到差唔多日日都諗起佢。」



阿明聽到後皺起眉,接著沉重地跟我說:

「我諗你後悔得太遲啦,有啲野錯過左就無得返轉頭.....依餐我請啦,希望仲有下次可以再同你單對單傾計。」

阿明結帳後就離開了,我還坐在原位思考著,阿明想表達的意思.......