憤怒•新罪的誕生[七罪][魔法] (逢星期一、三、五更新): 第一章：不明的聲音
「叮~叮~叮......」
已經響左十幾次嘅鬧鐘終於提醒左我，今日係要返學架。
仆街！又遲到添，唉早知琴晚就唔打飛機啦，搞到而家唔知醒，仲要腳都軟埋，陣間點跑返學啊，唉唔係啦，叫定啊媽幫我請半日假穩陣啊，仲可以訓多半日先返，屌咁都比我諗到，真係醒。
「喂，啊媽，幫手請半日假，江湖救急啊！！」
「你個哀仔，琴晚又肆係到打飛機，搞到今日唔知醒返學啦。」
我聽到當堂嚇到個心都離一離
「屌你啊！你又知我係到打飛...打機嘅，你係我間房裝CCTV啊？！」
「扮乜野打機啊，洗鬼裝乜C咩AV咩，你個啲啊~啊~聲大到呢，係出面都聽到啦，唔好以為關左門人地就咩都唔知先得架，仲有啊，叫左你平時唔好打咁多架啦，又傷身又傷心啊，好好地搵返個女仔拍拖咪幾好囉，打飛機都唔洗自己落手落腳吖嘛，仲有啊，你...」
唉仆街囉，咁都比人聽到，睇泥我打飛機嘅技術仲有待提升，都係要打多啲練習下先得，咪啦，擇日不如撞日，反正有半日，上床撚返兩手先。
講左咁耐都味介紹自己添，細路叫七刃，係一個港日混血兒，所以個名都日日地，仲要成日比人話中二，都唔知係咪同啊爸有仇，改啲咁嘅名比我，唉無計啦又唔係我改嘅，身高175，平時最中意就係打機，唔識飛個隻啊(雖然都成日打)，係一個典型嘅矮毒肥，啊媽仲話叫我拍拖喎，打撚咩，人地就高富帥，我就……唉，這™的人生啊~~
撚完雀，時間尚早，打返場機先，一開LOL就見到個陌生人邀我1on1，睇一睇佢個戰績 「哇屌，牌都無，咁撚廢都邀我1on1？？佢食錯藥啊？？」
我好情不自禁咁鳩叫左出嚟，不過無計啦，本住虐得唔好曬嘅心態，仲要係佢挑我機，循例上都要屌打下佢，相信我嘅實力都唔會輸嘅。
不過本來應該係一場實力懸殊嘅對決，竟然打左足足成個鐘。
「哇我屌啊，假新炸下話，咁撚勁嘅，假假地我都係菁英啊(冇錯，我係菁英，我係菁英，我係菁英，重要嘅野要講三次)，無可能要 打咁耐架喎，唔通佢係Faker開新ac？屌嬲鳩，認真啲打爆佢先。」
處於嬲鳩狀態下嘅我無比認真同專注，終於係十五分鐘後打嬴咗佢。唉死啦，比啲FD見到我打個新手(？)都打咁耐，一定笑死我啦。
「你…憤…憤怒嗎？…你…你想…世界……破滅嗎？」
突然之間有一種斷斷續續嘅老牛聲音直接傳入我嘅大腦裏面，我嚇到J都縮埋一舊，即刻講左句
「邊撚個，夠薑出泥隻揪！！！」
不過緊係呢頭講完個頭就後悔啦，如果對方係個大隻佬嚟架呢？唔夠揪架喎，不竟我都係講就凶狠，做就碌撚，都係講定句sorry穏陣，廢事人地真係衝過泥打鳩我。
「大佬對唔住啊，我錯啦，咪打鳩我啊！」
「你…憤…憤怒嗎？…你…你想…世界……破滅嗎？」
「吓？」
「你…憤…憤怒嗎？…你…你想…世界……破滅嗎？」
屌，咩料啊，我係咪開錯咩網定睇得av多中左毒啊？？我完全反應唔到，o曬嘴咁坐左係到。
不過我好快就意識到呢個係一個惡作劇，因為‘佢’只係識講呢句說話，之但係呢句說話就好似有一種力量驅使我去失控咁樣，我一路聽，一路沉迷落去，失去控制嘅我對世界所有嘅事都有一種講唔出嘅憤怒，無論係現時嘅社會，甚至係啊媽一句說話，都足以令我情緒爆發，變得一發不可收拾。
「所……所有人都應該要死！！」
失控嘅我內心不斷咆哮，空洞嘅眼神望住啊媽無辜嘅背影，隻手慢慢咁攞起左把較剪，有一種衝動想令到佢消失。
可幸嘅係，手機突然響起嘅聆聲將我由空洞嘅狀態下抽離反到現實。
唔真實嘅感覺伴隨著急速嘅呼吸聲緩解落泥而消失，但我都唔夠膽多諗，即刻將關左電腦佢，希望關電腦嘅同時可以將頭先所發生嘅事都忘記。直到啊媽過泥叫我返學，我先可以分神去其他地方。
不過再望一望隻錶，唔望由自可，一望就……唉仆街啦，請半日都可以遲到，屌！！！