「唔好意思…我叫 Yo-yo …」我以為她記錯了

「吓??冇理由架喎,佢成日提起你架喎…蕭婥藍,Natalie 呀嘛?!」

「我係叫做蕭婥藍…但係唔係叫 Natalie…」我開始感到奇怪

我開始諗,唔通我以前個名係 Natalie。除咗呢個可能性之外,我再諗唔到其他,因為中文名三字都係一樣,唯獨係英文名唔同。

「其實……」我開始坦白「我失過憶……」見她沒有說任何話便繼續「自從手術後,我就喺美國讀書。但係手術完之後,唔知點解,腦海嘅記憶好似畀人剪咗,中一到中三嘅記憶冇咗…我嘗試去回憶,但係唔得,仲次次一諗就個頭作痛…」我解釋



「原來係咁……又會咁啱嘅…」她尷尬地笑「我陷親個頭,跟住就失憶,但係…因為佢……佢喺我最無助嘅時侯,佢畀咗啲難忘嘅回憶畀我…」她笑

又會咁喬,以為搵到個可以同我講返以前嘅嘢,點知又係失憶。呢啲咁老土嘅情節我以為睇電視就有啫,但係偏偏就畀我遇到…

「唔好意思呀…阻你咁多時間」我已經再冇 mood 去傾落去

「我唔好意思就真……幫你唔到…」她慚愧地笑

語畢,我們各行各路。



返到屋企,成個人都頹晒。可能天注定搵唔到就搵唔到

「女啊!執房啦!亂到七彩啊!」啊媽又再煩

「知啦…」我不耐煩

我就好躁咁執房,執下執下,無意中畀我搵到一個盒,我就抱住好奇心去睇下盒入面係咩東東。

打開咗個盒,入面有一封信、一個水晶球,化晒嘅菲林相,同埋一本寫晒唔同國家嘅簿



我打開封粉紅色的信,一打開竟然是……