夢醒時份: 第七章

「沙，今日咁凍，我地去食熱鍋，好嗎？」

「好呀！」沙亳不猶豫地道。

我地走左去優食橫町嘅Colour Cafe & Bar，侍應安排我地到窗邊嘅位置。

陰暗嘅燈光同柔和嘅音樂，好耐未試過有咁浪漫嘅情調。

我介紹南瓜沙律同牛肉鍋俾沙，之後問：「你仲想要咩嘅話就叫啦，我知你而家好肚餓。」





沙回應:「加多個意粉我地share 好嗎？」我笑著回答：「當然得，我相信你個食量，隨便叫。」

沙厲一厲我：「咁我決定要食窮你。」

我地落好晒野食之後，沙好奇問我：「你介唔介意講俾我聽你之前鍾意個女仔嘅故事呀？」

我無奈地慢慢將點識佢同點單戀佢嘅事講晒俾沙聽。

沙聽得入晒神：「其實你好好，我都好羨慕佢。有人願意做人肉鬧鐘同私人tutor，考試都唔溫書通宵寫筆記俾自己。不過你好傻好可愛，願意等佢七個鐘仲要知佢未必會出現。你將來實遇到個會珍惜你嘅女仔，唔好唔開心啦。」





我苦笑地道：「快d 食啦！一陣d 野食凍左就唔好食架啦。」

沙好奇地問：「你好似就快生日啦喎，有無諗住點慶祝呀？」

我驚奇地問：「你點知架？我唔同人講我幾時生日架喎。我都唔會慶祝嘅，對我黎講只係一個好平常嘅日子。」

沙得意忘形地：「我地同公司，每個人嘅生日都唔會係秘密啦！」

我答：「乜係咩？我無留意呢d 野呀。我通常都唔太記得過左生日，有時屋企人提我先知。」





沙好奇地問:「你咁怪嘅，生日都唔理唔去慶祝。生日應該要開開心心慶祝架嘛。今年我同你慶祝啦！」

我不知所措：「吓！？唔駛咁客氣啦。我唔太慣慶祝自己生日，我通常都係幫人慶祝多。」

沙唔俾我拒絕：「唔理你咩藉口，你生日個日放工要等埋我先好走。」

我只好點頭：「無問題。先多謝你啦！咁呢餐我更加要請你啦，陪我食又陪我行書展，黎緊又陪我食飯。」

沙嫣紅了面：「哈哈！唔駛客氣，我都多謝你。」

我地過嘅第一日約會，亦鋪排好了第二次嘅約會。心多了份溫暖，多了份開始萌芽嘅愛。

<續>