夢醒時份: 第十章

我同沙愈發展愈穩定，我經常邀請佢去我屋企食飯，我自己親自下廚。

沙不時會問：「你會介意我煮野食無你咁叻嗎？」我都一貫地答：「唔會，我煮咪得囉。」

係我生日那一天，沙嘗試自己去買餸煮俾我食。由六點開始，我係廚房外見到佢嘅手忙腳亂，但佢又唔俾我入去幫手，真係有少少心痛。

直到九點先完成那雜菜，蕃茄炒蛋。但那一刻，味道已經唔再重要，那一份付出足以令我感動到要擁抱著沙。

「沙，你好傻呀！你有無整親呀？以後唔使再咁辛苦特登煮俾我食啦，我負責做煮飯嘅一個就得。」





「我今次煮先知平時你會有幾辛苦，你仲要煲湯添。冰，對唔住，我唔會係一個好老婆。」

我係懷中輕吻她的面頰：「好老婆唔一定煮野叻嘅。你安心做個小公主啦。」

沙為左彌補煮唔到一餐好味嘅生日餐，佢去搵人教佢整生日蛋糕，好勤力去織頸巾。我心中暗想：「能得此女友，人生仲有何求嗎？」但願佢一直能留守係我身邊已足夠。

呢一年嘅聖誕，我地去澳門旅遊。我每次去澳門都一定會去沙利文或者九如坊食那一個彷似雪糕嘅木糠蛋糕。今次亦不例外。

「沙，我帶你去食一樣我每次都必食嘅甜品。你一定會永遠都記得呢一個味道。」





「係咪咁好食架！唔好食我唔放過你架。」

「佢係一層一層好得意，而且食落唔似蛋糕咁。」

「好好味呀！我地以後每次黎都一定要再食！」

的確，之後有兩三次再黎，我地都係會黎呢兩間餐廳到再嚐這一試難忘嘅甜品。

「冰，帶我入賭場睇下好嗎？我未試過入去。」沙懇求地問。





「好啦，俾幾百蚊你玩下，玩晒就走。」我不能拒絕地道。

「我淨係識玩老虎機，因為只係就咁禁個製。」

果然，沙用左幾十蚊落去部老虎機到。個一刻，佢自己都有D 心痛。

「都唔好玩嘅，D 錢入左去唔識出返黎。」沙用佢一副純真嘅口吻講出黎真係好可愛。

「好啦，為左你我先講一講俾你聽，D人黎賭場玩咩。」我帶沙行離老虎機位置。

慢慢介紹輪盤，百家樂，廿一點，牌九，大細等每種賭法。

經過大細嘅枱時，沙興奮地：「呢個我識，就咁揀大細！」

我大慨講一講除左大細，仲有開出嘅點數，組合嘅玩法。「沙，為左你我玩幾鋪俾你睇下啦。呢兩百蚊用晒就走啦。」





先後分別押大，細同總點數。幸運地贏左幾鋪之後就同沙講：「呢度都夠我地酒店住宿費啦，你而家知點解D 人會坐係度成日都唔走啦。」

沙好興奮：「冰，你咁叻嘅！咁樣買幾次唔同嘅野就贏左成千蚊返黎。不過賭呢樣野都真係唔啱我地。」

沙一邊行一邊捉實我，然後細聲到剛好到我耳邊：「好開心有個咁叻嘅你係我身邊。」

「冰，你以後只可以對我一個咁好。」

<續>