一次意外，我的人生可以重新來過？: 第十五章

第十五章 

我本來在把玩著早已吃完的漢堡包包裝紙，一聽到芷悠講出這句說話，頓時嚇到不能說出任何一句說話，那怕是一點聲音也不能從我喉中發出。 

『友達以上，戀人未滿』 

這句說話當中包含住多少暖昧？包含住多少愛情在入面？以前我也聽過這句說話，但是卻是從我旁邊的同學向我講出來，而且最後跟他講出這句話的女孩準確無誤的把我朋友收入自家兵營中。 

「呀彥你有無鐘意的人呀？」芷悠問。 
「做咩無啦啦咁問。」 


「無啊，我想知呀，你話我知呀。」芷悠愈坐愈埋。 

「其實我有一個鐘意既女仔，唔知佢信唔信前世今生，我覺得我同佢好有緣份，可以做好朋友好知己，大家對大家又無避忌，鐘意講咩就講咩，有時仲可以互相串下大家，感覺好開心。我覺得這個女仔好吸引我，我亦都知道這個女仔好適合我。」我頓了頓。

「但是我唔知道佢會唔會選擇我，亦唔知道我同佢之間經唔經歷到考驗，畢竟我同佢只是一個好細歲數既人，我唔認為現在是一個適合的時間拍拖，所以我一直都無同佢講，一直都努力充當住做佢好朋友的角色。我知我咁諗可能好無聊，但我真是希望我同佢可以在一個絕佳的timing開始。」 

我緩緩望出街外，看著車來車往的馬路。 

「我唔知道咁樣算唔算有病，我唔知道咁樣會唔會令到我同佢的綠份消失。」我深呼吸了一下「我只知道如果和佢表白，我倆無可能到終點，如果這樣做會令愛情的緩份消失，要我做佢身邊的好友身份去一齊陪伴著佢，守護住佢，、因為佢對我來說真的太重要。」 



「重要到，我和她可以不做情侶，但我唔想和有朝一日不再是朋友。」 

我望向天上，雖然隔著個玻璃，但我也感覺到有一些滾意和雨點吹過。 

「如果我鐘意你就死囉，點解我宜家先知你講野會咁tounching嫁。」芷悠扮著哭問。 
「做咩呀？所以你比我感動左？」我輕輕摸著芷悠的臉蛋。 
「你算把啦好無？」芷悠沒好氣的回答。 

剛才的說話其實和我想的完全背道而馳，但我知道，如果今日我表白了，萬一她也接受了，我們將會在錯的timing在一起，結果只有一個不好的下場。