一次意外，我的人生可以重新來過？: 第五十七章

第五十七章 

幾天後，呀彥的家門前。 

「打搞哂啦Auntie Uncle！」芷悠一進門便大叫。 

「我家人全部去左英國準備妹妹入學既事，你打搞邊個呀仲可以。」我哭笑不得的望著芷悠。 

「咁你個屋企咪得番你一個囉！」 



「乜你見到仲有人咩？」我把牛奶牛油等材料放進雪櫃。 

「孤男寡女共處一室一定有事發生嫁！」芷悠頓了一頓。「呀彥我有一個請求….」 

「你咪發咁多夢啦白痴妹！咩請求呀？」 

「你欣間可唔可以慢慢黎…唔好咁大力呀….」芷悠說畢後會害羞的側身咬著唇望著我。 

「你…. 你個白痴妹講乜野呀。」我結著巴說。 



「哈哈白痴仔你睇下你諗左去邊！我叫你轉頭步驟慢慢黎，打蛋既時候唔好太大力乍！鹹濕仔！哇哈哈哈哈…..」 

「陳芷悠！」我大叫。 

「嗯？咩事呀？我做錯左D咩呀？」芷悠露出一副可憐的樣子。 

我望著她水汪汪的眼神，別過頭來，繼續整理身上的材料。 

「都唔好玩既！我地幾點開始呀？」 



「六點啦！咪周圍亂搞野呀喂！」芷悠正準備拿起我房桌上的相簿。 

今次糟糕了。 

我大步的跑到芷悠面前，一手把相簿搶走。

「係咪咁小器呀陳文彥！睇下都唔得？」芷悠嘟著嘴說。 

「唔得呀唔得呀，呢本相簿要比我生命中最重要既人嫁。」 

「邊個咁重要呀？你個堆女朋友呀？」 

「她係我的所有。」我停下來，望著芷悠雙眼，彷佛四年前的那個她就站在我面前。「我曾經同她經歷過好多，雖然只得一年時間，但個種深刻的感覺，我諗我一世都唔會忘記。」 

芷悠若有所思的望著我，好像想說什麼，然而又欲言又止的沉默起來。 



良久，我離開了自己的幻想世界，打著完場的把芷悠拉回廚房去。 

「頭先你講既野，如果我係個一個女仔，我個心一定冧死。」芷悠打著蛋算。 

「哈哈係咩…」我敷衍著，心中卻幻想著芷悠記起我的那天。 

「真嫁陳文彥，你都唔知頭先你個樣幾charm，唔怪得有咁多女衰係你手。」 

「講呢D，專心打你既蛋啦！」我用手指彈了她頭一下。 

「好痛呀！你死硬啦陳文彥！」 

就這樣，我們就在胡胡鬧鬧中把蛋糕做好。看見芷悠看到蛋糕出爐的可愛樣子，我不禁把所有不開心都放在心裡，臉帶笑容的教芷悠為著蛋糕塗上忌廉和裝飾水果。 



「好靚呀！」芷悠在旁邊大叫。 

「我整既當然靚啦，你聖誕個日要自己整啦，都要整到有無七成功力呀！」我笑著說，但心卻在流血。 

「知啦。」芷悠笑了一笑。「夜啦，我都差唔多走啦，今日唔該哂你呀呀彥。」 

「客咩氣呀！我講過我地係好朋友黎嫁嘛！哈哈哈哈！」我抓著頭說。 

「白痴仔。」 

「你就白痴唔白痴妹！」 

「你就係白痴呀白痴仔！」 

「唔玩啦，你呀番去記得認清楚個味同步驟，個日我唔得閒幫你嫁啦。」我把蛋糕切半，放進膠盒裡。 



一輪胡鬧後，我把芷悠送到門外，整整的關上門，整理混亂不堪的廚房去。一想到芷悠將會用我親手教的方法整蛋糕送給Jerry，我心中不禁一酸，眼淚就流下了。 

但只要芷悠開心，只要是為了芷悠。我願意。 

就像當日賭神為了翠絲放棄所有一樣。 

鏡頭一轉，呀彥門外。 

芷悠靜靜的站在門外，從氣窗看到呀彥正在廚師收拾的樣子，她心中一亂，眼睛一酸，也像呀彥一流下淚來。 

「點解你要咁傻，願意為左我而唔理自己的感受，究竟你心入面有幾難受？」芷悠擦乾眼淚，望著手上握著的物件。「對唔住呀傻仔仔，我家陣好混亂，你教我點樣可以解決呢件事？點解要我係為Jerry整蛋糕既同時，記番起所有既野？」 

芷悠把心一橫，咬了一下唇，狠下心腸轉過身來，到電梯後按下鍵，然後把手上的那張物件放到書包裡去。