一次意外，我的人生可以重新來過？: 第六十章

第六十章 

為了令到芷悠沒有壓力的繼續生活，我沒有表現出自己的感情，相反繼續充當著朋友和同學的角色。每天上學放學，嬉戲聊天，日子就像以往一樣。 

儘管我知道Jerry對芷悠不好，儘管他們經常意見不合，但我看到芷悠也不斷加倍努力的在維持下去。 

我曾經問芷悠，為何一段感情去到這裡還努力的堅持著，不肯放棄。她的回答令我無法回答。 

「呀彥你以前細個個陣有無玩玩具嫁？」芷悠問我。 



「做咩咁問？玩具同我既問題好似無咩關系嫁喎。」我不解。 

「你答左我先啦。」芷悠在課室外望向天上的白雲說。 

「有呀。做咩？」 

「你多唔多換新玩具嫁。」 

「唔多嫁，就算壞左爛左都會搵老豆整番好佢。」我回答。 



「其實感情就好係玩具。」芷悠深呼吸了一下，，緩緩地說。「當初你擁有佢的時候，帶比你新衝擊，新的感覺，佢陪你走過好多日子，一直都在你唔開心或者開心的情況下同你撐著。如今時間耐左，玩具表面出現裂痕，出現無數因為陪你撐著後的風吹雨打造成的傷口，唔通你就會唔記得哂當初你擁有佢時候的幸福，同佢講開心事的歡樂，佢同你一齊難過的日子？」 

「嗯…..」我不懂如何回應。 

「感情真的就像玩具，如果出現少少問題就離開大家，咁根本就唔係愛，只係因為一齊開心而一齊，唔開心就分開，咁同一個小朋友玩泥沙有咩分別？」 

芷悠轉過身來望著我。 

「感情是要經歷過甜酸苦辣才能收成正果，小小事就放棄的話，就唔會有人結婚了。」 
「你講得岩既其實。」我附和著。 



「不過就算有，離婚的法律程序已經係對婚姻一種極諷刺的存在，既然結婚，又點解要離婚？因為唔夾，性格不合？咁拍拖個陣唔係已經知道嫁啦咩？」 

「正如你知道自己同佢一樣性格不合，但你就因為一個愛字而自己一人苦苦堅持，值得咩？」我細細地說。 

「你講咩話？」 

「無呀，我同意你既講法乍。」

感情的確就像玩具一樣，陪伴你開心的日子不能忘記，有裂痕時應該修補。但兩個人性格不合，無論如何努力，也只是徒然，正如你要求一個男孩子玩barbie換衣服，初時可能很高興，慢慢也會變得沒趣。 

可惜芷悠只知道上半部而不知下半部。正面的堅持是可以把一件事變得美正，但苦苦的堅持，到最後都沒有意思。 

「唔好講落去啦，你又話今日你地三年既，去邊呀今晚？」我嘗試去轉換話題。 



「今晚呀…. 我都未知。」語句出澄現失落的味道。 

「點解呀？」 

「佢知道今日三年，但仲未有安排一樣。」 

這時她把電話從裙中取出，漫無目的的看了一眼手機，隨即笑了起來，但又突然露出難過的樣子。良久她終於吐出了一句話。 

「佢唔會黎陪我啦今晚，佢話佢有野做唔得閒。」淡淡的一句。 

「有無搞錯呀？有咩重要得過慶祝三年呀？」我在旁邊也怒了。 

「算啦，我都習慣了。」這時鐘聲響起，芷悠也轉身走回課室去。 

我望著芷悠，心裡有一種難以形容的哀傷感，為她的情況難過，為自己的情況感到灰心。 



芷悠心裡明顯只有Jerry。 

而我只是她一個能傾訴的對象。 

時間把我倆的感情收藏，但取出來後卻已在她心中變得淡而無味。 

鏡頭一轉，鄰班男生的抽屜裡，男生收到一個message。 

「Jerry豬，我今晚家裡無人，Shall we?」 

男生笑了一笑，回應著。 

「Sure! Why not? I am free tonight」