一次意外，我的人生可以重新來過？: 第七十二章

第七十二章 

普通病房外。 

「好彩今次呀彥無事乍，如果唔係我都唔知點算好，畢竟所有野都係Jerry搞出黎。」芷悠望著躺在病床上的我說。 

「呀彥無事就算啦，其實都唔關你事無謂怪自己啦。」小薰在旁邊說。 

「最大問題其實都係Jerry啫。」雄爺依在窗邊望著床上的我說。 



「其實芷悠，我一早都同你講過佢唔係好男人。」小薰說。 

「你又見過佢同其他女仔搞埋一齊？」 

「見過啦，仲要係公廁搞。」小薰露出嘔心的樣子。 

「點解佢會咁對我！明明佢前個幾排仲對我好好，整左個好suprise的週年紀念比我嫁！又有蠟燭又有粉紅玫瑰花，佢仲話走左好多間搵唔到紅玫瑰比我嫁！」 

「下原來就係你呀？個一日我表哥同我講有個客指定佢做急單，後尾仲罵佢比唔到紅玫瑰佢….」呀琦若有所思的說。 



「你表哥做花店嫁？」雄爺問。 

「唔係呀佢做場地同活動設計個D，有時會接單幫人整驚喜比愛人。佢個日話搞到張單係德田邨做野，個客好無禮貌既，原來就係Jerry。」 

「我唔係好明你講咩。」芷悠說。 

「即是話你個Jerry比錢人地幫你搞個surprise再扮係自己整左妤耐咁呀傻妹。」浩文把整件事的真相說出。 

「唔會咁嫁！唔會係咁嫁！」芷悠哭著說。 



這個時候護士走過來勸我們不要太大聲量，以免阻礙其他病人休息。與此同時，Gloria也來到了。

「呀哥，小彥情況如何？」Gloria問。 

「又小彥？睇黎呀彥連雄爺個妹都食埋。」浩文笑著說。 

「無咩事，醫生話佢因為救芷悠時落地撞左泊在旁邊的貨車上，造成小許腦震蕩，留院三晚觀察休息下就可以出院。」雄爺說。 

「嗯，我個邊都搞得七七八八，佢為左邊個女仔搞到咁嫁？」 

「佢囉。」雄爺說。 

Gloria望著芷悠上下打量著，良久，她笑了一笑，走過去按著芷悠的手。 

「唔怪得呀彥會放棄咁多女仔啦，連我在佢面前無著衫都唔睇我。你要好好珍惜佢呀！」Gloria笑著說，在場的人無不靈出驚訝的樣子。 



「個日呀彥去我家打機，個衰妹唔記得左著上身，只戴住個bra走出黎乍，大家唔好誤會呀彥。」雄爺說，Gloria同時向雄爺伸了伸舌頭。 

「不過….. 呀哥你話我腰粗過佢我無異議，只係我就唔信佢胸會大得過我，嘻嘻。」Gloria說畢後，便用手摸了摸芷悠的胸部。 

我望到這個情況，也繼續躺在床上扮作還未昏迷完一樣，以免受到不必要的質問。 

「啊！」芷悠本該哭腫的情況下也輕輕的叫了起來。 

「夠啦妹！咪咁無禮貌！」雄爺喝止Gloria。 

「咩喎。」Gloria扁扁嘴然後說。「芷悠姐姐唔會嬲我既。」 

「不過我想問你聽日得唔得閒，我有野想比你睇。」 



「比野….我睇？」芷悠有點疑惑。 

「嗯。有關你個好男友既真面目。」Gloria咬著牙說。