一次意外，我的人生可以重新來過？: 第九十八章

第九十八章 

如果要細數這多年來最開心，最幸福的日子，我相信必定是這四個月來的日子。今天是會考完結的一天，我們的人生將會踏上另一個新里程。 

同時，亦是我和芷悠的第四個月。 

「嗚啊啊啊啊啊！考完啦終於！！男朋友你係咪會帶我去玩嫁？」芷悠捉著我手問。 

「梗係會啦，我女朋友考得咁辛苦我一定會好好同你去玩番日！」 



「一日乍？好過無啦！咁我地去邊呀？」 

「唔話你知！等我plan好先！」 

「陳文彥你好黑人憎呀！」芷悠嘟著嘴說。 

「係啦係啦我最黑人憎。」我不滿的望住芷悠。「等我仲諗住同你去食綠茶甜品，無啦無啦，家陣無啦。」 

「綠茶？呀彥老公～」芷悠走過來擁著我的手。「你最好，最靚仔，最可愛，我都唔明白點解會有一個咁好既男朋友嫁。」 



「嘩，小姐你都變得幾快嫁喎。」我笑著說。 

「我邊有變喎，傻豬黎既。咁你係咪帶我去食呀？」 

「哦？你講綠茶？」我望著芷悠。「係呀，book左台嫁啦。」 

「多謝呀彥！」 

「不過book左一位乍。」我笑著走開了。 



「喂也，呀彥呀。」芷悠纏著我。「帶埋我去啦帶埋我去呀，我想食呀。」 

「你岩岩唔係話我黑人憎嫁咩？」我忍著笑。「點解家陣又哄到咁埋呀？」

「我邊有講過你黑人憎喎，我咪話你最好最可愛囉！你記錯左乍呀彥老公～」 

我望著芷悠笑而不語。 

「唔出聲即是記得我讚你啦係咪？行啦男神老公。」芷悠拉著我向前走了。 

「去邊呀我地？」 

「行啦！你請綠茶甜品嘛！」 

「唉好啦好啦行啦我。」我說。「喂咪拉啦….我會行嫁啦！」 



「唔得呀！再唔行開D比人食哂嫁啦！」芷悠說。 

這就是這幾個月來我和芷悠的相處模式，一切都來到這麼幸福。我和她經歷了這麼多才能走在一起，我比以往的更加愛惜和珍惜她，只要她笑，只要她幸福，那我也會感到幸福。 

「哎喲！」芷悠被人撞到了。 

「睇住呀！有無事呀？想心痛死我咩？」 

「做咩呀？緊張我呀？你講呀你講呀！你話你緊張我呀。」 

「我緊張你呀！你可唔可以唔好亂走，比我拖實你慢慢行呀？」 

芷悠望著我，看到她那大大的眼睛，像是有千個萬個感動和愛在裡。 



「知道啦，你拖實我啦。」芷悠伸出了手。 

「唔係咁拖呀！咁拖先岩呀！」我把芷悠的手指分開，變成十指緊扣。 

「傻瓜。」芷悠笑了笑。「行啦。」 

「嗯！」

甜蜜拍拖 有妳跟我 
何用解渴 遺忘肚餓 
望著你 這黑眼睛反照什麼 
找不到別人 只得我一個 

只要芷悠在我身邊，那怕每一天都有新事件發生，那怕每一天都會是新嘗試，我都會拖著你的手，陪你走過一個又一個難關。 



只要有你在我身邊，我甚麼事情也不會害怕，勇敢的站在你前面，為你遮風擋雨，走過每一個艱辛的梯級，然後到了最高那幸福的國度。 

末日到 抱緊對方驚怕什麼 
如驟晴驟雨 都可有著我 
甜蜜已久 愛要更深厚 
原味的愛 造就糖黐豆 
慢動作抱緊愛的感覺在手 
拖拖你前來 一刻已足夠