一次意外，我的人生可以重新來過？: 第一百章 【芷悠視角．續】

第一百章 【芷悠視角．續】 

「點解會咁突然？本身都好地地點解無啦啦要過去英國？」我試著控制自己的情緒。 

「因為呀爸公司個邊要去開拓英國市場，同埋….」媽媽說。 

「同埋呀姨個邊想我過去呀嘛！我都話左我唔想過去囉！我唔想去做個個未見過既人既老婆呀！」我反抗地說。 

「呀悠我知道你唔想，要你接受一件咁既事唔係一件易既事。」 



「你地有連機票都買埋啦？你地有無諗過我既意願呀？」我望著桌上的旅行細則和機票，不禁大怒。 

「呀悠，件事唔係你諗得咁簡單嫁，你聽我地講先啦。」媽媽由衷地說。 

「咩呀簡單呀？咪又係你地上一輩人係我地出世既時候一個笑話！」我憤怒地說。「一句戲言，就要我地家陣同你地完成佢，會唔會大過份呀？」 

「呀悠！」爸爸大怒。 

「由細到大，我每一件事都依照你地想我點做就點做，你地話一我無講過二，一直都做緊你地眼中既乖乖孝順女。」我怒視著他們。「但你地有無試過望轉係我立場諗過？如果你係我，你會唔會咁做？會唔會順便兩老意願？」 



「唔好放肆呀女！你知唔知你同緊邊個講野呀？」父親紅了臉，看來憤怒到極點。 

「我知呀，同緊你講野囉。我唔知到你地點諗，總之要迫我去英國同個個男仔結婚就咩都唔得！」 

「呀女，件事唔係你諗到咁嫁。」媽說。 

「我唔想知亦唔想聽呀！我唔想理你地兩個自私精，亦唔想去幫你地完成咩老人家既違願呀！」我大叫。 

「你講多次！！」



「我唔會過英國！如果你一定要我去既，你當生少個女啦！」我走到房裡關上門！ 

「呀女！」媽媽哭了。 

「出黎呀衰女，你夠膽就出黎講呀！」父親在門外大叫。 

「你唔好咁勞氣呀老公，唔可以嫁。有咩慢慢講。」 

「出黎呀敗家女！你唔講清楚既話我當生少一個你呀！我辛辛苦苦養大你你家陣咁同我講野？」 

「老公呀！冷靜呀！」媽在門外說。 

把我辛苦養大，原來就是為了迫我去跟一個未曾見過的人結婚，去完成上一輩的人心願。對著一個從來只要求我跟著他們的父母，我很難過亦很難受，因為他們從來沒有想過我需要什麼。 

難道這就是因為我一直太過順從他們的結果嗎？ 



「老公呀！你小心身體呀，你唔激得嫁啦！」媽說。 

「出黎呀！老婆，鎖匙，比鎖匙我開門！我要打死呢個女。」 

我哭了，我聽到這說話實在很難受，為什麼他們到現在還是堅持著自己的意願，把我雙手送到一個我從未見過的人手裡？ 

我絕望地拿去背包，把小量衣服和日常用品放到背包裡，然後打開門。 

只見父親臉紅得像關公一樣，怒視著我，媽媽也急得一臉汗了。 

「我唔想再同你地講落去，我想去搵我既人生，你地當無生過我啦。」我一臉認真的說。 

「女呀！你聽我講埋先啦。」媽著急了。 



「走囉！有毛有翼啦家陣，鐘意就走鐘意就番，連老公老母都唔認啦，走啦！」父親說。「我當無生過你呀！」

「老公呀！」 

我奪門而出，哭著離開這個曾給我溫暖的家。 

我感到很無助，很乏力。連自己父母也沒有理會過我的感受，我很難過。 

這世上還有人會願意待在我身邊陪我走過大大小小的路嗎？ 

我用手在電話鍵盤上按著。然後我看到了呀彥的名字。 

我想也沒有想過，也沒有猶疑，就致電給呀彥了。 

我相信就算發生什麼事，他也會在我身邊不離不棄。 



「喂？」 

「呀彥老公…係我呀…嗚….」我哭著說。 

「芷悠？做咩喊呀？」聽到呀彥緊張的聲音，我心中一暖。 

「我…嗚….」 

「你係邊？我家陣過黎搵你。」 

「老…. 老地方。」我冷靜下來，支悟地說出所在地。 

「馬上到，你等我。」呀彥說畢後便掛斷了電話。