你想•理想•現實: 1- 升中

我叫啊明，今年11歲，岩岩升中學。

8月尾，開始上升中既適應班，由於我份人比較怕羞，平常又冇乜特別既興趣，上適應班又要我地揀興趣班讀，籃球、足球、乒乓球、羽毛球、音樂、攝影，眼見有咁多唔同既興趣班，自己又唔太鍾意運動，所以我就求其錦揀左攝影班，諗著攝影班又冇乜體力消耗，所以就揀左呢個興趣班啦。

到左上攝影班既日子，我好準時就反到學校，就攤左係檯台到，等教攝影既老師上堂。教攝影既老師到左，就攞左幾部相機出黎，係咁二介紹下相機既操作，就求其分組，叫我地去學班唔同地方影下相。

其實我都明白，興趣班既原意係想我地去認識一下同學，所以就求其入左一組，周圍影下相，就去左操場搵個地方坐下，到夠鐘就反課室坐。