你想•理想•現實: 3- 開學禮前夕

訓左一陣，個班房開始熱鬧起來，我打開隻眼，轉個頭睇一睇，差唔多成個課室都已經坐滿曬人，跟著我就繼續訓教。

老師行到課室門口，跟著咳左兩聲，可能因為仲係小學雞既關係，全班都當堂靜曬，跟著到班主任自我介紹。

「大家好，我姓黃，大家平時可以叫我Miss Wong，來緊我會教你地英文」
「大家好，我姓陳，大家可以叫我陳Sir，我會教你地數學科，未來三年初中既時間，都會係我地兩位做你地班主任」

我起身望一望，個Miss個樣正正常常，而個啊Sir 就出現左個地中海。

Miss Wong：好啦，我地依家開始點名，叫到自己名，麻煩舉手同叫到





點完名之後，陳Sir 睇一睇個鐘，見到已經九，就話「依家放小息，九點半準時反到課室，準備去開學禮。」

放小息既時候，我依舊懶洋洋咁訓左係到。

直到九點半，陳Sir反到課室，就叫左我地起身，出黎課室前面跟高矮排隊，男一條、女一條，排好隊之後，陳Sir話：「大家跟著我行，女仔行先，男同學見到女同學行曬，就跟著行」