吓！同我青梅竹馬嘅人原來係........: 白石

「嗚哇......嗚哇........嗚哇......」一個可愛嘅嬰兒喺晚上冷清嘅街道哭泣，就好似叫緊人收留佢一樣，可惜路人一個一個咁行過，根本就冇人理佢，直至..........


「老公！你聽唔聽到好似有BB喊聲啊？」少婦問。


「你咁講又好似真係喎！唔係咁猛鬼下話？」一個外表俊悄，而且身穿名牌嘅男子話。


「唔好講埋哂啲無聊野啦，過去睇下好過。」






兩夫妻朝住聲音嘅來源走到去嬰兒嘅地方，而少婦亦發現嬰兒嘅衫上面寫咗"棄嬰"二字。少婦見到衫上面嘅字之後，就用可憐嘅眼神望住男子。少婦嘅樣貌本身己屬頂級，加上佢可憐嘅眼神，根本就冇男人可以抵受得住。


男子走到嬰兒面前，雙手將佢抱起。


「子朗！抵錫！」原來男子叫子朗。






少婦攬住子朗嘅腰間，然後挺高腳錫左佢一啖。子朗微笑説：「咁我地番屋企啦。」


----------------------------


「係喎子朗，咁BB今晚瞓邊啊？」少婦攤喺張梳化上面問。






「同我地瞓囉，不過你瞓到成隻豬咁，我驚你壓死佢。」


少婦彈起身，手握拳頭對準子朗，話：「白子朗！你夠膽就講多次！」


子朗立即退到牆角：「石穎欣！你...你想點啊，唔好強姦我啊！！！」


呢對新婚夫婦吵吵鬧鬧咁又過咗一晚。


------------------






翌日中午，某商場


「BB床買左，奶粉買左，玩具買左..........買整曬啦！一陣間叫司機車番屋企啦！」穎欣興奮咁講。


「嗯.......不過.......你有冇諗過BB個名啊？」子朗問。


「係喎......」穎欣R爆頭個樣真係非常可愛。


-----------------------






直至佢地番到屋企，都未諗到BB個名，過多一陣.......


「不如........就咁叫白石？」子朗問。


「Good idea！子朗你真係聰明！」


就係咁，喱個不知來處嘅BB就命名為白石。