英雄同盟戰: 4.英雄結集
經過漫長既機程後，眾人乘坐既專用飛機即將抵達香港
「依家我地..就係返香港呀？」
響飛機上，阿白問
「無錯，不過我地唔需要響機場降落，因為..」
發叔自信道:「我地Troopers..已經有屬於自己既基地啦」
「基地？」
「我地一早已經響西貢對出既南中國海，建立左一個人工島，作為Troopers既基地」
阿孝摸住鬍子，道:「裏面唔單止有機場，仲有武器庫、車庫，乜都有」
「除左我地兩兄弟，Troopers入面仲有咩人？」
「嘿，到時你咪知囉，我地大概搵左13人」
阿孝笑道:「不過可以講定既係，佢地大部份既實戰經驗...都唔夠多，所以我先需要你同望月彌生」
「而我就係Troopers總司令，你地熟悉既凌愛瞳就係指揮官」
「呃.....」
小型飛機開始降落到地面
「我可以問個問題嗎？」
「請講」
「凌愛瞳...係咪都係吸血鬼眷屬？」叢雲嚴肅問
「係」
阿孝冷靜回答:「佢係響一次行動中被迪拉斯既內應射傷，而另一位吸血鬼希路為左救佢，將佢變成左眷屬」
「不過，吸血鬼既事，暫時唔好響Troopers入面講啦..廢時引起誤會啦」
「明白」
人工島大概有50公頃
停機坪上亦有其他飛機、直升機
「呢個人工島周圍都裝好干擾裝置同光學迷彩，外面既人係永遠唔會知」
阿孝道:「跟住黎啦，我帶你地去見你地既隊員」
叢雲同阿白跟住阿孝落機，抵達人工島上既最大建築物
建築物以玻璃外牆建造，周遭均有軍人駐守巡邏
軍人當中除左亞洲人外，亦有一部份白人
「我地已經派左PAZ既一部份軍隊駐軍，兩位可以放心」
四人一路走進建築物
「呢座就係Troopers既基地，所有既研發、訓練都會響呢度進行」
「其他既成員已經響底層等緊我地啦」
坐住升降機，落到地底既B4層
「叮！」
門一打開，大廳就已經坐住十多人
而叢雲熟悉既瞳瞳亦在當中
「佢地係...」
「無錯，佢地就係你地響Troopers既同伴，一陣我會逐個介紹」
阿孝笑道:「依家你地兩位搵個位坐下先」
叢雲拖住阿白，坐到最盡頭既位置
美絕全場既阿白，完全吸引眾人既目光
「嘩...條女對腳正到痴撚線...」
光晨再望住阿白拖住既手，輕聲道:「屌！有仔既..」
「你靜少少啦，人地聽到架...」
阿咲道:「不過佢男朋友又幾靚仔喎」
「發姣行遠啲啦」
另一邊既阿彩等人
「又多兩個人黎，今次咩料呀..」
阿彩皺眉道:「睇死都唔夠我勁啦」
「嘩，原來呢度都幾多靚女架喎...」阿七同阿昇異口同聲道
「哼」阿月板起嘴臉
「呃...唔靚唔靚唔靚！新月bb最靚女！！！哈哈哈」阿昇連忙補救
「叮！」升降機再次開門
「大佬！！！阿嫂！！！」
彌生一見到叢雲兩人，笑得開懷
「唔係你爛賭，我同阿白根本唔駛黎呢一度」叢雲見到彌生，卻冇絲毫高興
「咪就係囉，累人累物呀你」
身旁既小優叉起雙手:「玩老虎機都all in，真係服左你呀！」
「咁我死都唔信禁唔到三條七嘛！」
「喂阿德你望咩呀？」
misa見到自己既未婚夫阿德望住阿白同小優，氣道
「唔係唔係...」
「結左婚之後你試下偷食丫！我實唔放過你呀！」
「智也！你聽唔聽到呀！我都唔會放過你架！」
「知啦知啦...」
rina同misa對望—下，互相笑住點頭
「哈哈，睇黎大家都好得意喎...」
坐中間既薰姐姐笑道:「小櫻？做咩呀？」
「冇..冇野呀..」
小櫻只掛住凝視前面既拓也:「takuya bb....」
「好啦好啦，依家齊人啦，我地用返個簡單既介紹先啦」
阿孝雙手放後，伸直個子道:「我叫阿孝，係IID屬下既獨立軍隊PAZ既首領，亦係今次呢個Troopers計劃既總指揮」
「呢位係花仔榮，係PAZ既軍團長」
「拓也，PAZ既頭號特工」
「嘩呢個拓也好靚仔呀！」
misa同rina竟變起花痴
阿德同智也各自望住自己既伴侶
「望咩姐？睇下靚仔之嘛，駛死咩！！」
兩位「老婆奴」無奈地互望，點頭示好
「呢位係瞳瞳，PAZ作戰參謀」
「奈央，PAZ暗殺隊隊長」
「希路，PAZ戰鬥隊長」
「洛迪古斯，PAZ既IT狗」
阿孝毫無預警爆出此句，令眾人捧腹大笑
「又笑？！咪話左我係PAZ既資訊部長囉！」洛迪古斯生氣大叫
「唔好咁啦，呢度係香港黎架，緊係叫返你做IT狗啦」奈央伸出舌頭，嬉道
「佢地六位都會加入Troopers入面，同大家合作既」
阿孝道:「好啦，咁係時候講下各位成員啦」
阿孝走到阿七等四人前
「慕容兆琪，劉彩琳，係大名鼎鼎既超級英雄blackman同rainbow woman」
「藍正昇，林新月，一個係哈佛天才工程師，一個係IID前特工」
「大家好，你地叫我阿七可以啦」
「我叫阿彩，我同呢個柒頭一啲關係都無架」
「我叫阿昇，呢個就係我女朋友新月bb，以後多多指教啦！」
「都話左唔係，你好煩....」
「若林智也，IID東京分部研發部成員，佢將會同慕容兆琪、藍正昇合作為我地每個人製作裝備」」
「陳小妹，前IID特工....」
「屹屹屹屹屹屹！！！！！！」
眾人馬上大笑，尤其以光晨笑得最癲
「喂！」
rina馬上指住光晨:「你咪笑呀死變態佬！！！我叫rina呀！！！！！」
「係既陳小妹，屹屹屹屹屹屹屹！！！！！！」
「rina到底你同佢發生過咩事呀？」智也問
「果陣我去學校教日文班，呢條友做緊代課架！！」
阿孝繼續介紹
「慕容光晨、李千咲、鄺素素，三位曾經成功摧毀美國海豹突擊隊叛徒組織Cobra」
「鄺素素既電腦知識非常豐富，我地會安排佢同洛迪古斯作後勤電腦工作」
「你講錯啦，呢啲都係我一個既功勞黎！」光晨冷笑一聲
「喂！素素都有出過力架囉！」
「林保德，衛美莎，職業盜賊，超級電腦Archangel就係由佢地帶返黎」
「大家好」
「hello咁多位好~叫我misa得啦，我係阿德既未婚妻~」
misa就如發電機一樣，吸引眾男目光
「屌，難得個屎忽咁正..」光晨目不轉睛地望住misa既屁股:「不過又比人食左，有冇咁唔好彩呀...」
「慕容春櫻，杜雪薰兩位都係武術高手，杜小姐更加係皇極驚世拳既傳人」
「阿七，小櫻...估唔到你都有份喎...」光晨道
「光晨堂哥...」
小櫻指住阿七恥笑:「不過...明明咸濕阿哥你咁廢，但係都有份既」
「你夠廢啦，淫櫻！」
「你..你講咩呀！！咸濕阿哥！！！」
「睇黎..唯一目標得返杜雪薰...」
光晨掃視薰姐姐既上下半身:「腳又白、屎忽又大，都叫食得過丫！」
「咁至於最後既兩位，就係大名鼎鼎既『孤獨兄弟』望月叢雲同望月彌生」
阿孝呼一口氣:「靠住佢地既幫助，我地輕鬆將日本既迪拉斯勢力瓦解左」
「而佢地身邊既就係佢地既女朋友」
「hello大家好！！」
彌生攬住小優笑道:「我叫彌生，呢個就係我女朋友小優bb豬！！」
「喂呀，好多人響度架！」
「你地好，我叫叢雲」
「我叫阿白，係叢雲既女朋友，以後多多指教」
「呼...終於做完呢啲老土到爆既介紹啦」
阿孝仰天呼口氣:「依家係時候交比發叔講下，今次既任務啦」