英雄同盟戰: 6.軍人對軍人
訓練室
「三、二、一，fight！」
彌生同叢雲各自戴住拳套，響眾人包圍下開始格鬥
「黎呀大佬！」彌生不停挑釁，出拳探招
「哼..」
彌生晃住身子，做出兩下假動作
再從左手邊突擊，進攻彌生既小腹
「砰！」
叢雲瞬間用雙手格緊彌生既左臂，高速將佢扭到彌生背後
右膝再將彌生壓到軟墊上
「呀！！！好撚痛呀！投降啦屌！！」彌生不停拍打軟墊，示意投降
「下次就唔好車大炮，話打得贏我啦」
叢雲馬上鬆手放開
「叢雲，飲啖水先啦」阿白遞上樽裝水及毛巾
「唔該阿白」
「屌...鬼知你仲係咁勁咩」
彌生摸住左臂，道:「我太耐無練姐，練返幾日就ko你啦！」
「抵啦，響美國果陣一日到黑都坐響度打機！」小優笑道
彌生從後攬住小優
「咁我地退左休啦嘛，仲駛乜打生打死呀，日日同小優bb豬搞下野好過啦」
「走開啦你，成身汗！」
「之後到邊個呀？」
「我黎啦！」換上運動服既阿彩行到軟墊上
「阿姐，你得唔得架？」
彌生上下打量:「你好似好細粒咋喎..雖然你廟細燈籠大..」
「咪睇少我呀！我話哂都係rainbow woman呀！！」
「嘩..犀利犀利！」
彌生笑得牽強:「咁準備啦..」
「三、二、一...fight！」
======================================
實驗室
「砰砰砰砰砰砰砰！！！！！！！！」
自動機關槍正向住前方，一塊淺如紙張既金屬板射擊
但神奇既係，子彈不但冇射穿金屬板，更不斷反彈，跌到地面上
「實驗編號013，全部子彈都從鈦合金薄片彈開，實驗成功啦！」
結衣bb道
「yeah...成功啦」
阿七等三人興奮歡呼:「整左成晚終於掂啦，世上最薄既防彈裝甲！」
「只要鋪響每個人既戰鬥服上面，咁就刀槍不入啦！」
阿昇道:「多得智也你呢個物料專家，我地先整到咋！」
「邊係呢，都要你地幫手先得..」
智也拎起多塊鈦合金薄片:「咁我依家試下，可唔可以將佢加入戰鬥服上面啦」
「麻煩哂啦咁」
阿昇問:「話時話啦，rina同你以前明明好恩愛架，點解依家會變到咁既？」
「唉，結左婚之後佢先現型..」
智也嘆氣:「不過..我仲係好鐘意佢既.....所以我唔會放棄rina架」
智也既傷心事，令阿七同阿昇深感同情
「阿七你小心啲呀，一陣你個露露bb又係咁樣對你就死，哈哈！」阿昇笑道
「露露bb係女神中既女神，一定唔會咁囉！」
阿七反駁:「咁你呢？溝到新月未呀！」
「哼，你睇唔出新月bb一直對我有意思既咩！佢遲早都係我女朋友！」
「不過...我諗我地都係專心搞好呢樣野先啦」
阿昇望住實驗室正中間既盔甲
「喂..你認真架？咁咪即係搵我條命較飛？！」
「放心啦...」
「我地呢部blackman裝甲，一定成功架！」
=====================================
人工島上既另一端，PAZ幹部成員既控制室
「...有料到呀！」
洛迪古斯對住電腦大叫:「天眼系統頭先影到..迪拉斯既成員響旺角出現呀」
洛迪古斯按下鍵盤，將影像投射到眾人眼前
天眼系統拍攝到，五個裝黑色T恤既男人，正於西洋菜街出現
五人四周張望，仿似在搜尋事物一樣
「但係..IT狗你點知佢地係迪拉斯既成員呀？」奈央問
「睇清楚啦老女人！」洛迪古斯將影像放大一千倍:「呢個西裝友既手錶上面，有迪拉斯既logo架！」
「DELAS」一字正印於手錶既時針上上
「嘩咁都睇到，睇黎IID既科技真係進步左好多喎」花仔榮讚道
「依家mark哂佢地，我地可以繼續用天眼跟蹤佢地啦，必要時捉住佢地套料」
阿孝命令:「花仔榮，拓也，你地兩個去應該卓卓有餘啦」
「係...」「收到」
=============================
兩人聽住洛迪古斯既導航，駕住私家車到旺角，準備跟蹤迪拉斯成員
「呼...都好多年冇黎過旺角啦」
花仔榮感嘆:「自從跟左阿孝大佬之後就要周圍做任務，有時都想休息下呀...」
「拓也你呢？」
「我唔駛休息」
「唉，都估到你架啦，工作狂」
花仔榮笑道:「不過，似乎果個叫小櫻既靚妹好似..幾搭你糖喎，哈哈」
「你跟蹤我？」拓也臉色一沉
「唔係...尋晚咁啱經過見到姐」
花仔榮搖手:「不過果個小櫻人仔細細，身材都幾好喎，呵呵」
「佢只係將我當成佢既偶像姐」
拓也冷冷道:「你可唔可以專心做返任務？」
「係...知啦...」
花仔榮無奈回應:「曾經既頭號殺手，依然竟然同緊我合作，哈哈」
拓也同花仔榮跟入朗豪坊對面既時裝店
跟迪拉斯人員有數百米距離
「到底佢地黎旺角係做乜既呢...」花仔榮道
「或者..係想探路」
拓也講出自己既推測:「就算係以香港為攻擊目標，都需要有哨兵睇下環境先」
「旺角係全香港最多人既地方，呢個可能就係佢地其中一個攻擊目標」
兩人已經可以見到迪拉斯人員既身影，佢地正走上上層
「追...」
豈料，兩人一上到上層
五位迪拉斯既人員，竟早已經等待拓也同花仔榮
五人一語不發，直接取出戰鬥用小刀
「丫！！走呀」
四周既市民眼見此情況，紛紛逃離現場
「哼..睇黎點都係要打一場」
拓也同花仔榮挺起身，拎出伸縮警棍
「發！」「發！」
大力揮動，將手上既警棍伸長
「就比我睇下，迪拉斯既實力啦」
雙方各自衝向對方，掀起大戰序幕