《給我一次和妳重來的機會》: 第一章

──第一章──
「大鑊，聽日考範文到依家仲未溫！」我拿着剛做好的功課，打算快點回家溫習明天的中文測驗。

「登登登……」我經過音樂室，聽到鋼琴的聲音，悅耳動聽。

「入下去唔會有事嘅…」我小聲打開房門，看見一個女生在彈琴。

但，為何這旋律好像在哪裏聽過似的？

是周杰倫的《開不了口》！我聽過「挽歌之聲」的改編！



我忍不住口，把歌詞唱了出來。

「就是欠缺勇氣 對你開口

其實也想過要試試碰你的手」

糟了！我不是來聽聽歌的嗎？為何還把歌詞唱出？

那女生轉過頭來，望了我一眼。她的眼神告訴了我，她很疑惑。



「嗨…」那女生終於說話。

「嗨…」我回應。

「你漏咗野？」

「唔係呀…」

「咁你喺度做乜？」



「聽歌囉…」

那女生沒有理會我，繼續彈琴。

我也要回家了…再不回家我明天的中文測驗就不合格了。

「唔係下話…」我走到校門，發覺校門已經被鎖上。

「冇計啦…」我歎一歎氣，想不到辦法，只好回到音樂室，至少也有歌聽。

我再把音樂室的門打開，這次她發現了我。

「做咩翻唻？」



「校門被人鎖咗呀…」

「幾點啦依家？」她一邊問我一邊望着左手的手錶。

「六點。」

「下？六點？咁晏？」她一直望着手錶。

我進入音樂室已經五時四十分，現在六時也很正常。

「係呀……」

「死火啦…冇人開門…點算……」她十分擔心。

「一齊喺度留夜啦…」其實我知道有其他方法離開，但還是玩弄一下她吧。



「留你個頭呀！快啲諗下辦法啦！」

「好啦好啦唔玩妳啦，教數學嘅周sir每日七點準時收工，到時再走就ok喇。」

「唉，惟有係咁啦…」她看似很無奈。

「話時話，點解妳會喺度嘅？」我決定打破沉悶的氣氛。

「練琴囉！你係唔係盲咗？」

這刻我裝做盲人，胡亂揮動雙手。

「係呀係呀，我咩都睇唔到架！」



她大力拍我的手臂。

「再扮吖！」

「唔玩啦唔玩啦！」我不玩弄她了。

「妳屋企冇琴咩？」正常一個喜歡彈鋼琴的人，家中也應該有一部鋼琴。

「有呀，只不過就唻考鋼琴八級試，趁有時間咪唻練下咁囉，諗唔到一練就練到六點。」

原來是鋼琴高手…

「鋼琴八級試考周董咁癲？」

「純粹手痕啫…」



「有料喎…開不了口」

「其實係因為「挽歌之聲」啫…」

「欸？你都鐘意挽歌？」

「我有聽你啱啱唱呀！幾好聽吖！」

「《給我無限次告白的機會》！」我倆異口同聲大叫道。

那是一個賺人熱淚的故事，用周董的「開不了口」再改詞就最好不過了。

「你都有睇呀？」

我其實沒有看過，只聽過改歌。

「冇呀…我淨係聽過首歌，但首歌好好聽。」

「過唻。」她這句說話，使我感到十分愕然。

「做咩呀…」我不知所措。

「教你彈琴呀！見我地都咁鐘意呢首改歌，依家又冇乜野做，我都應該教下你嘅！到時記得自彈自唱俾你鐘意嘅女仔呀！」她
看到發呆的我，拉了我坐上鋼琴椅。

可能是我的手指不太靈活吧，學鋼琴起來都不太上手。

「你試下望住我嘅指法，呢度係，分開不足千秒幾分鐘 我卻會有點記掛你的節奏。你試下？」

「分開不足…」我望着鋼琴上的黑白鍵，試着把旋律彈出，但好像不太順利。

「唔係咁，你搵下手指之間需要嘅間距，再放喺黑白鍵上面？」

我決定一步一步來，總算順利了一點。

「咁樣？」

「你望下我？你左手手指應該擺呢個位。」她捉住我的手指，把它們放在適當的位置上。

「係啦…你試下彈？」我試着跟從她的指示去做，總算懂彈第一句。

「分開不足千秒幾分鐘 我卻會有點記掛你的節奏」我嘗試自彈自唱，看上來十分順利。

「時間差唔多啦……」她看看手錶，發覺已經用了五十分鐘來教我彈琴。而這五十分鐘，我只學懂彈一句歌詞，也許是我沒有天份吧。

七時正，周老師準時下班，他為我們開門之餘，也問了我倆幾句。

「點解咁遲先走嘅？」

「練琴呀…對唔住呀周sir，下次我地會早啲走架啦。」我倆都知道，周老師是個麻煩的老師，如果在這個情況下，不給他個滿意的答案，就會被他追問到2046年。

等等……為何我倆好像一見如故似的，明明連大家的名字都不知道。

「你想唔想學埋落去呀？」她問。

「當然啦，我咁鐘意呢首歌，梗係繼續學落去啦！最緊要嘅係，我要自彈自唱，將呢首歌送俾我最鐘意嘅人！」

「好啦好啦，你每日放學之後落唻音樂室，我教你彈琴！」

其實我，只想認識妳多點。

「話時話，妳叫咩名？」我倆看似認識了很久，但我倆只是剛剛認識，連對方的名字也不知道。

「我叫Maybelline吖，叫我呀May吖，你呢？」

「我叫Raymond呀，叫我呀Ray就得架啦。」

原來她叫Maybelline，是個不錯的名字。

那一刻我望到她，好像有道閃光照耀着我，她的樣子十分朦朧，我看不清。

這一刻我望到她，在夜幕街燈的映照之下，我看清了她的輪廓。她的樣子雖只是中規中距，但比起我班的，她算是不錯了。這個她，不高也不矮，身材也是一般，但我站在她旁邊時，我感覺到她和一般女生與別不同，到底有甚麼不同呢？

「呀may，你係咪鐘意彈鋼琴架？」

「可唔可以話係呢？一般般啦…我記得嗰時教我彈琴個哥哥教咗我彈周董嘅《聽見下雨的聲音》，我好鐘意呢首歌架，所以喺
我搵到心上人之前，我一定唔可以彈！」

「點解嘅？」

「你係咪傻仔唻架！我梗係要將呢首歌彈俾我心上人聽啦！」

「咁你聽日可唔可以彈俾我聽？」我開了個小小玩笑。若果她願意的話，我也會挺高興。

「你係咪玩野呀！」她輕拍我肩膀。

「喂正呀正呀打多幾野吖！」我繼續開玩笑。

然而她大力地拍在我背上，我的午餐差點被她拍到吐出來了。

「手勢仲可以嗎？使唔使唻多幾野呀？」

「唔好啦唔好啦我知錯……」我心知不妙，便不繼續了。

「哈哈哈，玩我喎，睇唻你玩唔起我喎。」呀May不停取笑我。

「總有一日你會知味道。」

說時遲那時快，原來已經到了她的家。

「呀Ray,nice to meet you」

「Nice to meet you too」我握握她的手，挺暖的。

「其實你都幾搞笑吖，有冇女朋友呀？」

想不到她會在自己家樓下問我這麼尷尬的問題。

「你覺得憑我個樣會有女朋友咩？」

沒有錯，我不是個帥哥，不溫柔體貼，其他人見到我都送我「on9」二字，沒有女朋友是正常的事。

不過我有心上人。

「哈哈哈！你又講得冇錯！你個樣咁醜，成個環境都俾你搞到烏煙瘴氣啦！仲話女朋友！」她直接取笑我，不留任何邊幅。

「咁你都唔會好得去邊，白紙。」因為那部位的特徵，我給她取了個別名。

「收啦白痴仔！係咁先！聽日見！」她也為我改了個別名。

「聽日見……」我揮一揮手，與她道別。