──第三章──

「你唔食晏呀?」子晞離開座位時又問我一條「高質」的問題。我有時會想,他是不是弱智的?

「唔……」我只能輕輕帶過他的問題。

因為不把功課完成的話,便會被罰留堂,所以只好犧牲點午飯時間去完成了。

平時的我,在交功課前一晚就會把它們完成。而她,改變了我的習慣。



「嘩…睇落好似好多咁喎…」我望望那三張工作紙,不禁在空無一人的課室裏慨嘆。

不過我還是很快地把它們完成。

「啊…」我伸了伸懶腰。正好現在沒有甚麼事可幹,就出去走走吧。

我經過4A班房,看見一個熟悉的身影,應該是以前跟我同班的同學吧。

在無事可做的情況下,我把門打開,希望能和那位同學聊聊天。



「欸…妳點解會喺度嘅?」我見到的「那位同學」,原來是她。

「食飯囉…你見唔到咩…」她用勺子把飯盒內的飯盛起,再放進口裏,看似吃得津津有味。

我望望她的飯盒「嘩…使唔使健康到咁呀…」她的飯盒除了有飯,就只剩下菜。

「係咪唔俾先?」她再把一勺子飯放進口中。

此刻飢餓的我已經垂涎欲滴,忍不住伸手到她的飯盒旁,幸好她機智,把飯盒迅速收起。



「嘩嘩嘩,你隻大灰狼,想食我嘅好味飯盒?」

「如果我係大灰狼,妳咪係小紅帽?」

課室變得像當時般寧靜。

「你係咪想食呀…我俾你啦…」她好像有點不情願似的。

「唔好咁勉強啦…我都係玩下啫,妳食啦……」我不想看到她為了我而不高興的樣子。

「哈哈哈!我都係玩你架!我都飽架啦,你食埋佢啦!不過我要你洗咗隻匙羹先可以食架!食完都要洗翻乾淨佢!」她的說話裏充滿着稚氣,帶着一般青春可愛的氣息。

我以閃電般的速度把勺子拿去洗手間清洗,再以打雷般的速度跑回A班課室,因為我的肚子真的受不了!

這刻我只想填飽我的肚子,我把飯盒裏剩餘的飯菜以保特跑一百米的時間吃光,她也被我這麼快的吃飯速度嚇倒。



「使唔使咁快呀…慢啲唻唔會死架喎…」

「好肚餓吖嘛…未食晏呀……」

「都唔使咁架…會胃痛架…」她的語氣流露了一絲擔心。

一直以來,我吃午飯的速度都十分快,一般幾分鐘就吃光了。

為了她,我決定改變我的習慣。

「好啦好啦,我以後食慢啲啦!」

「乖啦…不過呢,盒飯好唔好食呀?我親手煮架!」



在一個人餓到極點的時候,無論他吃甚麼,都是好吃的。

「妳見我咁快食晒,就知呢個飯盒一定好好味啦!」

只要是妳煮的,甚麼我都覺得充滿滋味。

「咁就好……」

「如果我想妳每日都整飯盒俾我嘅話,妳話妳會唔會做到吖嗱?」

「見你話我整嘅飯盒好食,就整一個禮拜嘅飯盒俾你啦!不過我又教你彈琴又幫你整飯盒,你用乜野回饋我呀?」她奸笑道。

我願意以我的一切回饋妳。

「妳有咩願望吖?我幫妳實現。」



「我就係等緊你呢一句!我想你幫我……」

聽到她的這一句,我突然感到崩潰。

「好啦……我盡量幫妳。」我的語氣突然變差,看來她這一句對我的殺傷力十分大。

我望望手錶,是時候要回到自己的課室了。

「我走先啦…」

「好啦byebye...記得要唻上堂呀!」

我現在的心情只能用一首歌來形容,那就是《忐忑》,我根本不知道待會如何面對她。



算了,先把接下來的課節都上了,到那時再作決定吧。

時間可說過得頗快,下午的課節轉眼就過了。

但…我該如何面對她呢?午息的時候我這樣對她,她會不會不開心……

別理了,先去了才說,希望我沒有令她不高興。

「hello!我遲咗少少呀…唔好意思呀……」我的語氣有點尷尬…

「唔緊要啦!反正我又可以趁呢段空檔練琴!過唻上堂啦!」看來她真的當自己

是個專業的鋼琴導師。

不過,她沒有不開心,對我來說,已經很足夠了。

我不希望因為自己的心情,而令她不高興。

「我地複習翻琴日學嘅野啦!你試下彈翻分開不足千秒幾分鐘 我卻會有點記掛你的節奏呢一句?」

我想我應該記得的……

我把那句用我殘餘的記憶彈一次,雖然還是彈不好,但對我來說已經算不錯了。

「唉…好似彈唔好…」

「有進步架啦!你再睇我彈一次,你就應該會識點彈啦!」

的確,我依照她的彈法再彈一次,的確暢順了很多。

「好野!你已經彈識第一句啦!翻去記得練下指法呀!我地依家學第二句喇!你望住啦,呢度係每次見你不夠 每次見也見不夠,你試一下俾我睇?」

我嘗試彈一次,感覺比起第一次進步了很多,鋼琴聲聽來十分悅耳流暢。

「幾好喎!咁快就學識多一句!咁我地繼續啦,今日嘅目標係要你學識彈第一段!跟住呢度係這麼多反覆過的一天 你決意你想試試把他佔有,記得望住我…隻手喎!」

她這樣說彷似有點隱藏含意。

我望着她的指法,試彈一次。嗯,看似進度良好。

「今日咁勁嘅你?最後一句就係慢慢開始念舊 跟她一起來奮鬥,你試下?」

今天學習的能力似乎比昨天的高出許多。只需三十分鐘,便把第一段歌詞的指法給學會了。

「哇哇哇!你學琴嘅速度同能力簡直比我仲快呀!你不如去考琴吖!對你唻講,應該好易考到演奏級啦!」

「唔啦……我只想彈好呢首「給我無限次告白的機會」其他野我都冇興趣。」

我只想望住妳,就夠了。

「咁又係…彈好呢首歌係你嘅目標。」

「係呀…」

「咁你想唔想繼續學埋落去呀?橫掂仲有啲時間。」

「唔啦…我想翻去。」

我不想繼續,我想回家。

因為你給了我壓力,給了我傷感。

我只想知道,我應該怎樣做。

「你可唔可以幫我追你嗰班嘅程以朗?」

當時我聽到這一句,心中頓感有點失落。

為甚麼?我並不知道。

以朗是我的好朋友,俗點說是叫「死黨」,協助呀May追求他並非難事,但我心中總是有點不甘。

也許是我太執着了。

她拍拖和我有甚麼關係?我又不是她好朋友,更不是她男朋友,哪我為甚麼要為此事而緊張呢?

我只是想做她最好的朋友,並非要做她男朋友,又何必過份執着呢?

如果她成功追求以朗能夠令她幸福,令她快樂的話,我也會很高興吧。

嗯,我想通了。

「喂…做咩呆喺度呀?」

「冇呀…咁我走先啦」此刻我終於露出了燦爛的笑容。

「我有樣野想問你……」

「我都有野想問你……」

「你嘅中文名係?」

已有 0 人追稿