《給我一次和妳重來的機會》: 第五章

──第五章──

雖知道有甚麼方法可以令巧欣高興，但我的心中仍然疑惑着…

她為甚麼會生氣呢？

「咁你…有冇鐘意過我……」

是當時衝口而出的這一句嗎？



不亂想了，還是看看她消氣了沒有吧…

放學後不久，我來到了音樂室。

她會在嗎？

悠揚的樂聲在我耳邊盤旋着。

會是她嗎？



我輕輕把門一開，頓刻變得失落。那是其他班別的女生，而不是巧欣。

幸好那女生沒有發現我，我輕輕把門關上，免得打擾她繼續彈琴。

唔…看來她真的生氣了。

翌日早上，以朗走到我的位置旁，問問我的近況。

「我琴日教你嘅野有冇用到先？」



如果我答有，他一定會揭穿我的「驚喜」。

如果我答沒有，他會不高興吧…

「沒有。」

為了自己，犧牲一點吧。

「好啦……」

他看似頗失望似的。

為了她，惟有說個謊吧…

午飯時段。



我準備好的「驚喜」已經準備妥當。

希望她不會生氣吧…

我走到4A班房，把門推開。

「Hello...」我的語氣顯得有點緊張，大抵是怕她生氣吧…

「Hi...」她的語氣也有點奇怪，令整個氣氛變得尷尬起來。

「我…整咗午餐俾你呀…」

我的驚喜就是自家製的飯盒。



因為巧欣特意為我弄一星期的飯盒，我也應該自製一個給她，順道當作賠罪吧。

巧欣竟笑了起來。

「你竟然會整飯盒？哇哈哈哈！會唔會食物中毒架？」

「唔會！」我堅定地說。

這個飯盒的設計參照了多位頂級廚師的做法，都是由高級食材所造成，另外我確保所有食物是熟的，定不會發生任何問題的。

我要把自身最好的獻給妳。

巧欣把飯盒打開，她被飯盒內的食材和飯盒的設計嚇倒。

「哇！咁靚嘅！仲有呢啲野食好似好高級嘅！我個飯盒都冇你咁勁呀！」



我突然覺得自己在廚藝方面有點天份。

等等…她不是在生氣的嗎？為何現今態度猶如一百八十度轉變似的？

她把自己的飯盒拿上來。

「你今日整飯盒嘅話，就應該早啲同我講吖嘛！枉我今日仲帶咗飯盒唻添！話時話，你冇整俾自己咩？」

我搖搖頭，示意沒有準備自己的份兒。

「乜你咁蠢架！連自己嗰份都唔準備！」

她輕輕用指尖戳了我的臉頰。



因為我只想把最好的留給妳，那怕過程中遇上多少挫折。

「傻妹唻嘅，妳食得開心，我咪開心囉！」

巧欣把她的飯盒推到一個離我較近的位置。

「傻仔唻嘅，呢度本身有兩個飯盒，一個我嘅，一個我嘅，依家咁樣嘅話你揀一個食啦！不過唔好介意個飯盒冇你整咁勁喎！」

雖然是較清淡，但我很喜歡。

在進食途中時，我把藏在心底的問題說了出來。

「我想問呢，妳琴日係咪因為我條問題而嬲咗我呀？」

她又笑了。

「哇哈哈哈！其實我琴日冇嬲到你呀！只不過我唔知點答你所以咁講，你冇野吖嘛？」

幸好她沒有生我的氣，我總算放心了一點。

「但係琴日點解我落音樂室又見唔到妳嘅？」

也許是我多口了，不過我也想知道箇中原因。

「我琴日去考琴呀！我之前咪同你講咗要去考鋼琴八級試嘅，所以我咪順便叫你放學唔好唻囉！」

幸好……

「咁我今日放學再唻喎！」

「唔得！」

她的一聲拒絕令我呆了起來。

「點解嘅？」

「你唔記得啦咩！你今日放學有數學校隊嘅訓練呀！你參加咗全港數學精英賽呀！」她莞爾一笑。

對了，今天放學有訓練。

等等！她為甚麼會知道我今天放學有訓練？

「妳點解會知我有訓練嘅？」

「你唔好問點解啦！應付咗個數學精英賽先再學琴都唔遲啦！」

好吧，為了妳，我要取得好成績。

回到課室後，我才記得…

我沒有把以朗有女朋友一事向巧欣交代。

還是算了，讓事情慢慢沖淡可能會更好。

放學，815室。

我望望四周，一覽無遺。

黑板上寫了幾隻字…

「全港數學精英賽訓練班」

但這個班房連一個人也沒有，難道只有我參加是次比賽嗎？

不，還有他。

程以朗。

「得我同你咋？」以朗也來到了，他也被這麼空曠的環境嚇倒。

「睇怕係…」我輕輕嘆息。

這時候，一名女生進入了班房。

「嗨！」我們熱烈地歡迎，起碼整個訓練班不會只有兩個男生那麼無聊。

那女生好像在那裏見過…

「妳叫咩名呀？妳點解會參加全港數學精英賽嘅？」以朗詢問關於新同學的資料。

「我叫范綺詠，今年中三…」

我和以朗霎時被綺詠的程度所嚇倒。

中三就來挑戰全港數學精英賽嗎？

「我平時呢，就鐘意彈琴，不時放學會喺音樂室練習。」

我記起了！她是昨天放學時在音樂室見到的那女生！

真是巧合呢…

「今次我參加呢個全港數學精英賽呢，主要想測試一下同證明自己喺數學方面嘅實力。不過仲有個原因嘅…」氣氛開始尷尬起來。

「我呢…鐘意咗戴偉俊……」

戴偉俊，在全港英文精英獎取得top 3%，真的很厲害。

「佢係英文精英，咁我都要做個數學精英，先襯起佢架！」

和我的目的一樣…

「咁妳要加油啦…」我和以朗給了她一些鼓勵的說話。

這時候，導師來到了。

「大家好！我係你地呢幾個禮拜嘅導師！我個名叫周瑜，叫我全名或者周sir就可以架啦！」

周瑜…真有趣的名字。

「好啦，今堂我想講嘅野係formula。」

公式…有必要提及嗎？

「大家知唔知點解要有公式呢樣野？」

「可以方便計數！」以朗二話不說便舉手作答。

「我覺得世間上有好多野都係佢自己嘅規律，而當呢啲規律係固定不變嘅時候，呢種規律就會演化為公式。」綺詠淡定地把自己的想法道出。

「幾好吖呢個諗法，不過點解我地永遠sub x就搵到y嘅數值，兩者之間有咩關係呢？」

「有時會有正比嘅關係，而有時會係反比嘅關係，不過主要都係睇佢嘅規律。」

Variation…難不到我的。

「大家都有自己嘅諗法，都講得好好。但係大家有冇諗過自己可以創造一條公式呢？」

「創造一條公式啫！玩variation咪可以創造好多條公式囉！」以朗又二話不說地把自己的意見發表出來。

「其實有時候唔係數學方面嘅公式，做人方面都有一種公式。例如百分之99嘅努力加百分之1嘅天分等於成功，你地今晚翻去試下諗一條屬於自己嘅公式吖！下星期我地翻唻再討論過！」

這到底是個數學精英訓練班，還是科學精英智力培訓班，我看不透…

然而我一直在尋找…

尋找一條屬於我自己的公式…