當我還在回味與Cherry逛街時,Sally早已出現在眼前,純白色T恤、腰間綁着紅黑格仔恤衫顯得很有活力,令人眼前一亮。

「阿臣,點解Zoe仲未到嘅?」
「我都唔知喎,Zoe一向好準時架喎,試下打俾佢先。」

我手機才剛剛解鎖,就收到她的來電...
「喂,Zoe你喺邊呀?」
「阿臣,我睇得出你同Sally有啲嘢嘅...」
「邊有呀?你係咪誤會咗?」
「我費事做電燈膽阻住你哋,呵呵....」



正當我想解釋之際,Zoe已把電話掛了,真可惡!居然這樣耍我,明天我就要報仇!
「Zoe佢有冇講啲咩?」
「errr.....佢話唔舒服喎,所以臨時來唔到...」
「我哋兩個都搞得掂嘅!」

上次和Sally單獨相處沒有任何特別的感受,而這一次氣氛好像有點尷尬,我跟她很努力地尋找話題,於是決定就地取材!
「咦,𠵱套戲個poster幾吸引喎。」
「聽講評價唔錯,我有睇佢前兩集.....」



滔滔不絕的Sally此刻化身成為保險經紀,向我推銷她的「產品」,她首先介紹第一部的劇情,無論是角色的性格、造型皆可仔細描述,其後她更加入個人的看法和對劇情的揣測,我則在一旁裝作無知發問。

在對答的過程中,我看得出她很享受與人分享自己的喜好和想法,卻忽略身邊人的反應,其實這兩部我早就看過,但望見她說得手舞足蹈,不好意思打斷Sally,只好繼續擔當「聆聽者」這個角色。

派發宣傳品這項工作並不是甚麼大項目,我與Sally為了節省時間,直接把東西都放到郵局用寄的,不花兩小時便把工作完成。

「時間仲早喎,不如...我哋去睇第三集囉?」
Sally竟然向我提出一起看戲的邀請....
已有 0 人追稿