「阿臣你都覺得有趣?咁不如你都....」
「吓?咁我同邊個pair up?」
「um....放心,我唔阻你搵食嘿嘿,幫你搵個靚女好冇?」

我心裡一沉,難道她一直把我當作朋友,還是.....一個試探?我想要的是你啊,Bella!我擺出一副思考的模樣,嘗試掩飾內心的不安。

「我最近好多paper啊,你搵第二個啦!」
「咁好吖!」
我選擇了逃避。



「眯埋對眼。」
「做咩事?」
「妳聽話啦,伸隻手出來!」

我模仿Bella當日在海洋公園的說方式,從口袋掏出一條彩色手繩,為她戴上。

「哇,好靚呀!」
「鍾意咪好囉。」
「多謝你...」
「你...知唔知彩色象徵乜嘢?」


「彩虹?」
「彩色代表幸運,嗰日見你有啲唔開心,希望你戴住可以忘記一切煩惱。」

回想當晚跟她談天,突然沉靜下來,似乎憶起過往的不快,才想到這招來誘導她說出來。

她並沒有說話,只是掛著笑容,揮手向我作別。果然非凡,比我想象中難應付。

五分鐘過後,我收到Bella的訊息。
「你唔負責任啊?😡」
「sor lor,聽日返早所以送唔到你。🤷🏿‍♀️」


「你未教我點除條手繩,我怕整爛!」
「咁以後咪唔好除囉😌」

結果這句發出了許久才得到她回應。
「gdnight🌝」
已有 0 人追稿