[愛情]《溝女最緊要就手》: 第三章 ·【四】

「%#¥ B呀 ！」
Zoe忽然大喊，高頻率的尖叫聲快要震破我的耳膜，好像有甚麼刺激到Zoe。上一秒的她仍然很平靜地看表演，此刻的反應讓人摸不着頭腦。在她的尖叫聲中，我隱約聽到一個名字。

「Coby ！」
Zoe 又再興奮起來，這次更加手舞足蹈，不停用手背拍打我手臂。

「你睇下第二行第一個，係我個fd ！」

沿著她所指的方向，看到一群女生張開雙腿半蹲，腰部左右扭動，她們的誘人姿勢引來狂暴掌聲和狼嚎。再仔細看一下第二行第一個，是個紥雙麻花辮、皮膚白皙的女生。



「戴頭巾，紥辮嗰個？」
「係吖，佢就係Coby喇，正唔正先？」
「Zoe姐啲fd梗係正啦，你中同？(中學同學）」
「唔係，之前玩活動識㗎，一陣介紹俾你識。」

這對話太突然了，我無法反應過來，我還沒有心理準備再認識其他女生。雖然已經過了2天，但我對Bella仍有一絲的希望，相信她會來找我，然後告訴我她很掛念我。

「做乜唔出聲呀？怕醜呀？」
Zoe冷嘲熱諷道。



我也不甘示弱，裝作毫不在意。

「我掛住𥄫女咋，鬼得閒聽你廢up咩！」
「你個鹹濕仔，枉我咁好心帶你嚟睇show，依家唔應人喇？」

過了一陣子，Zoe拍一拍我肩膀，語重心長地說：「失戀啫，唔洗咁喎！」

「得喇得喇，我冇嘢。」
「頹多陣好喇，我去搵我個fd。」



Zoe說完就拔足向後台狂奔。