「今日mk妹style吖嘛」
「之前唔見妳戴眼鏡嘅?」
「我今日返工廢事戴con,著咁靚做乜?」
「帶妳去食野先?」

我挑了一間意大利餐廳,裝飾佈置算是有格調,以玻璃作為主題,玻璃燈、玻璃瓶隨處可見,我自己覺得食物質素水平挺不錯,應該不會讓這位「食家」失望。

「我唔飲啤酒!咦,冇cocktail嘅?」
Coby的表情和動作告訴我,她不太滿意今天的安排。我出門前就沒有「Happy hour」的打算,喉嚨痛到不想說話,更遑論要我喝酒。



「咁下次先啦,好冇?」
「好啦」

點菜過後,Coby主動開起話題。

「喂,你估下Zoe會唔會嬲我哋自私約吖嗱?」
「一定會啦,夠薑一齊post story互tag!」

能夠在對方story出現,絕對有助拉近彼此距離。以她不服輸的小孩個性,肯定會按奈不住。即使她沒有意欲,只要言語挑釁幾句,自然會落入圈套。



「吓?好似唔係太好喎...」
「妳驚吖?」

我的回應好比催化劑,本來還在猶豫不決的Coby接受了我提出的挑戰邀請,拿起手機就拍照。

「嗱,3、2、1 Post!」
「我post咗喇」
「俾我檢查下!」

Coby把手機遞給我,隨眼看看右上角,有十幾個inbox,的確如她所說的不乏追求者。



「死啦,Zoe見到可能真係會嬲㗎。」
「死咪死,妳怕就出聲,趁仲有機會棄權。」
「你好嘢,嚟咪嚟!」

我擺出一副不可一世的模樣,激將法果然奏效。Coby的視線一直停在手機螢幕,整頓飯都離不開,看來她開始後悔剛硬着頭皮做的決定。
已有 0 人追稿