[愛情]《溝女最緊要就手》: 第四章 ·【八】

「得閒」、「傾project」不過是見面的藉口，管她信不信，至少現在達到了我的目的。

「我幫妳拎啦。」
「嗯。」

我稍微展示男性應有的風度，替Coby拿袋子，我強調是環保袋！不是迷你手袋！女人手袋絕對超越底線，有損男性尊嚴。

「咁重嘅？」
「入面有部MacBook、啲稿同埋衫囉。」



衫？戲服？這方面很引人暇想。

「casting 要換埋衫㗎？咁認真嘅？」
Coby沒有回答，只是點頭。

「你演咩角色？」
「多事啦你！」

她似乎是想保持神秘，不是對我的提問感到厭煩。趁著她在車上照稿練習，我雙眼反覆窺視袋中的物品，雖然這個舉動沒有被她發現，但感覺上很變態，甚至可以形容為痴漢。



「死啦，點算呀？我未背好啊....」
Coby的五官擠成一團，加上語氣焦急中帶點嬌嗲，甚是可愛。

「平時見妳懶自信咁，今日見到妳咁怯都幾難得，哈哈....」

「阿臣你條粉皮，你好嘢！你係第一個見到我呢一面嘅人....」她繼續說：「等我完咗就出來X爆你....不過我真係唔得喇....我覺得我今次衰梗...」

我一手搭住她肩膀故作安慰，還來不及開口，她就把我推開了。
「你坐喺度等我，我去換衫。」