「阿輝,好耐無見,我諗你應該記得番啲野先會搵我。」阿光已經一早在家姐男朋友屋企樓下的後巷等我。 

看見阿光洋洋自得的樣子,我依然好想衝過去打獲佢..... 

「係阿,原來我之前係一個咁仆街既人,唔怪得會識到你地啦。」我一臉不屑地回答著。 

「哈哈,既然我咁仆街,你又打黎搵我,叫我幫手?係呢,你係咪所有野都記番起啦?」阿光追著問..... 

「唔係,全部都係零散既片段,都係我之前點樣溝女,玩女既片段,但係我覺得仲有一啲野,我係仲未記番起。」我回答道。 



「無啦?你唔記得我地以前一齊追過凱晴?一齊殺過人拿?」阿光邊笑邊道。 

「一齊追凱晴?仲有殺人?我地一齊殺過人?」我一直以為自己只係一個玩女既仆街仔。屌,但係我點都估唔到我竟然同呢條仆街阿光,一齊去追凱晴,仲一去齊殺人!! 

「睇你都係唔記得架啦,你想殺既人黎啦,等我喚醒埋你其餘既記憶啦。」阿光說畢,立即拿著哥羅芳毛巾衝了出後巷。 

「喂!阿光,等陣阿!阿光。」阿光沒有理會我阻止,一手把哥羅芳毛巾按著家姐男朋友的口。
 
阿光把家姐的男朋友弄暈後,又再次重施故技放在紅白藍膠袋內,這讓我不其然地想起那三個被殺的學弟。 



跟上次的差別是,這次我並沒有阻止阿光,我總是覺得阿光永遠會幫我做一些我想做,但又沒膽量做的事。 

阿光弄好一切後,截停了一架的士,把紅白藍膠袋放在的士的車尾箱.....「你又想交佢俾軍爺,然後將佢殺死?」我雖然明知道答案,但我仍然向阿光再次確認。 

「你唔想咩?」我完全估唔到阿光會咁樣反問番我。 

我的確好想...好想,佢咁樣虐待家姐,我恨不得將佢碎屍萬段....... 

我向阿光微笑了一下,然後就上車一直沉默起來。 



「司機,元朗阿唔該。」阿光對司機道。
 
看著沿途五光十色的街景,我有一種不祥的預感,但是我總是說不出為甚麼..... 

「到啦!」司機把車開到我們上次來的廢車場,一幕又一幕殺人的畫面不斷從我腦海中閃過..... 

********************************************** 

「凱晴,原來係你個日綁架阿輝既!!我地咁好朋友,你點解要咁做阿?」阿新道。 

「我係有辛苦衷架,對唔住阿!」凱晴哭著道。 

「你有咩留番同警察講啦!!我同你做咁耐朋友,估唔到你會咁做!」阿思道。 

「唔好報警阿,阿新阿思求下你地啦,我真係有辛苦衷架......」凱晴跪在地上苦苦哀求著。 



「阿思,唔好理佢,快啲報警!」阿新推開凱晴,「出賣朋友既衰人,行開阿!」。 

「彭!」突然傳出很大的開門聲。 

「軍爺!!軍爺唔好阿!」我看見軍爺拿出一把開山刀向著阿新和阿思劈過去!正當我想出手阻止的時候,我發現我的手穿過軍爺的身體,「嘶!嘶!」我看見軍爺像瘋了般手起刀落,在阿新和阿思身上斬了十幾二十刀。 

軍爺殺了阿新阿思後,將他們的每一部分放在洗衣機,再把洗衣機開著,「轟!轟!轟!轟!轟!」恐怖的洗衣機聲音傳進我的耳中。 

********************************************** 

「軍爺!!原來我兩個朋友係你殺既,啊啊啊啊!!!我李豪輝一定唔會放過你!!!!!!」我帶著仇恨,跟阿光正一步一步走進廢車埸........
已有 0 人追稿