拼命也要尋回他: 第五章
“俾我...俾你手上既野我...”突然有個拎住把刀著住黑衣既女人出現係我地面前
“俾我啊...”佢拎住刀衝上前
/
“跑”啊蹈一手捉住我掉頭走
“下?”我未黎得切反應就比啊蹈捉住掉頭跑 , 又係呢種感覺 , 又係好似唔洗用力咁跑
“唔好出聲”啊蹈捉住我跑左入條巷仔 , 用手掩住我個口唔比我講野
我眼角望到個女人向前不停跑 , 完全無發覺我地匿左係巷仔
直至個女人跑過左我地 , 啊蹈先鬆一口氣
“小心...比佢地殺左你就會係世界上消失,無人會記得你...”啊蹈放開我
“無...無人記得?咩意思?”
“係世上消失,就好似從來無出現過...”啊蹈望住我 , 好認真咁講 , “仲有時間 , 帶你去個地方”
*******************************************************
我跟住啊蹈去左一個類似畫廊既地方
“好多相啊”我望住一幅幅相掛滿牆
“呢啲係唔同空間解任者既相 ”啊蹈指住牆上啲相
“呢兩個女仔一樣樣既 ? ”牆上面有兩幅相 , 相入面既女仔係一樣樣 , 只係身邊既屋企人唔一樣
“兩個都係同一個人 , 只係存在係唔同既空間 ”啊蹈解釋我聽
“幅...幅全家幅 , 個女仔變左第二個樣...”左面個幅全家幅突然出現左變化 , 變左另一個樣
“個女仔死左 , 佢比人殺左 , 呢啲相入面既參賽者就消失 , 或者被另一個人取代 , 無人會記得有呢個人既出現 , 包括佢屋企人 , 以及愛人...”啊蹈指住牆上啲相
望住牆上既相 , 我不禁倒抽一口涼氣 , 我好驚...好驚下一個係相到消失個個係我 , 我唔想玩呢個遊戲...真係唔想...
“走啦 , 我地返去交任務”啊蹈帶我離開呢個地方
*******************************************************
“你地終於返黎啦 , 擔心死我啦 , 幾驚你地第一關就失敗”琼姐見到我地返黎即刻走出黎攬住我
“琼姐 , 話曬我係你得意弟子 , 你唔係對我咁無信心啊”啊蹈坐底係沙發
“多謝你啊琼姐 , 如果唔係你咁幫我 , 比包魔泥我 , 我都唔會咁輕易完成到呢個任務”我係袋拎出人心草同任務球比琼姐
“我一定會盡我既能力去幫你 , 你地都攰嫁啦 , 入去食啲野休息下 , 聽日再接第二個任務”琼姐接過人心草同任務球
"啊...差啲唔記得左添，梓曰呢個係屬於係既'魂'，好好保管唔可以唔見"琼姐俾左條吊住粒圓形玻璃球既頸鏈我
"呢個係咩黎?"我拎住條鏈跟住啊蹈行
"好好收埋佢，唔好俾其他人見到"啊蹈一路帶我上房一路答我
"哇...個玻璃球入面有啲紅色煙"我好驚訝咁問啊蹈
"呢個叫'魂'，每個解任者都會有一個，入面啲煙係代表你已經完成一個任務，每個任務都會用唔同顏色既煙代表，如果你無左'魂'代表你之前所完成既任務會作廢"
啊蹈停底腳步
"咁無左咪再做過..."
"你太天真..每個解任者只會得一個'魂'，如果無左代表你永遠都救唔到你既愛人，亦永遠離唔開呢到...另外你絕對唔可以俾其他解任者得到你既'魂'，因為佢地可以吞併你既任務，所以有唔少有違道得既指導員會教佢既解任者攻擊其他解任者奪取佢地既'魂'，要記住除左我同琼姐任何人都唔可以信"啊蹈好凝重咁同我講
*******************************************************
“啲餸好香 , 仲有其他解任者?有四對碗筷既”我望住面前既餸流曬口水
“你地到啦”有一把陌生既男聲響起
“嗯”啊蹈好冷淡咁應左佢一句
“你就啊蹈負責個個人 ? 我叫啊健 , 係啊蹈既同事”個個叫啊健既男仔好熱情咁向我介紹佢自己
“Hello , 我叫敏敏 , 啊健係我既指導員 , 你叫咩名? ”有個女仔係二樓行落黎
“梓曰 ”我微笑咁向佢地介紹自己
“食飯啦 , 大家都餓啦”啊蹈示意大家坐埋位食飯
大家享用完呢餐晚飯後 , 各自各返返自己房休息
*******************************************************
“梓曰 , 你訓左未 ? ”我企係梓曰房門口
“啊蹈 , 咁夜搵我有事 ? ”梓曰沖完涼披住條毛巾走出黎開門比我
真係損左 , 都估到佢肯定係係解任既時候整到
“拎左藥比你塗”我行入佢間房
“唔洗咁麻煩啦”梓曰縮埋受傷個隻腳
我行埋去 , 抱起佢埋床
“你...你做咩啊”梓曰塊面紅曬
“你唔塗藥 , 聽日會影響表現 ”我蹲係到幫佢隻腳塗藥
“仲有 , 唔好同敏敏行咁埋 , 防人之心不可無”我好輕力咁塗
“咁陰謀論既你 , 我見佢地幾熱情 , 幾好人啊”梓曰望住我幫佢塗藥
“陰謀論 ? 呢個世界唔係全部都係好人 , 你一定要記實我晏奏同你講既野 , 算啦 , 遲下你會知 , 今晚個傷口唔好濕水”我放低罐藥就走左
*******************************************************
“滔滔 , 你等我 , 我一定會救返你出黎...就算要拼埋條命 , 我都會救你出黎”
“啊華 , 我好掛住你 , 無論用咩方法 , 我都要救你出黎”
“唔可以比梓曰同敏敏行得咁埋 , 不竟佢指導員係啊健”
“希望聽日同佢地抽中既任務係一樣 , 咁就可以方便落手”