女人真係1種幾難估既物種,今次既主角化名叫ada,係1個專業人士,至於真正工作係咩?睇幅相明你就明,唔明我都唔會開估,不過同佢既相處,1開始我都覺得係假,太令人難以至信

1個普通既日常,1路返緊工做野,1路同唔同既女性朋友係各個apps傾偈,傾既內容大同小異,都係寒喧問好,關心調戲,每日如是

枯燥乏味之際,突然有1個用真相既人dm我,會用真相做icon揾bf既人真係萬中無一,對佢,我亦都提起左興趣

可能ada真係第1次揾bf,所以ig用個人真acc,由佢ig了解佢個人是常識吧,"健康"係我唯1對佢既評價,飲食健康,又有運動,夠哂陽光,樣子雖然普通,但化左妝都見得下人,可以接受

1黎既英文msg,對我當然無問題,立即回以英文,而佢既要求我真係9哂咀,可能我見識少,佢竟然只係想揾bf網上傾偈,好似拍拖咁sweet就ok,呢樣當然無問題la,平時都同開人傾偈flirt開,簡直食生菜咁易,至於銀碼,我都開左個算合理既數字畀佢





由於唔見既關係,所以過數用入數紙作證,限時1hr,收$做野,時間定係6~7pm,佢dinner time

但都仲有1段時間,咁了解下亦都在所難免,為左更投入呢個1hr感情

原來ada同bf岩岩分手,難抵寂寞傷心,加上工作壓力大,雖然同幾個人1齊開公司,但係都工時長,所以好需要有人安慰關心問候,終於知道我要點做la

時光飛逝,轉眼間到6點,bf亦都出動,可憐既ada只去麵包鋪買個包做晚餐,我當然顯得心痛欲絕,呢個真係發自真心,1個人做足成日野,晚餐只食包,邊夠既?憐香惜玉之餘,亦都氹佢,"幫你按下唔駛咁攰","收工接你返屋企","放假同你煮飯仔,做運動"ada都好受落,而且佢都真係有畫面,認真諗過幾時有時間上佢度1齊煮飯仔

對於連我樣都未知既ada,其實咁投入真係罕見,如果知埋個樣,我怕佢真係想我做佢bf





1個鐘快過,而我好肯定呢個鐘佢真係欣賞我,或者愛上左我,開始畀我了解真實既佢,工作,工作地點,住係邊,甚至1再強調要抽時間約我上佢屋企

睇怕佢想沉船,而時間亦都岩岩夠,但其實眼見1個咁可憐既ada,我都唔忍心抽身講返佢聽我地既角色同關係,所以都keep住繼續用bf身份同佢傾,直到佢揾到真正既bf

女強人其實唔易做,表面要tough,但內裡其實都係1個女仔,都係想要關心,唯1關心來源突然失去,自然想揾替補,而用$買關心其實都係1個暫時解決辦法...