煉獄屍港: 第八章 - 拯救
一眾人聽到在橋的遠處聽到一連處咆哮野獸的哮聲，而企在後面的Austin眼定定望實天橋 中央位置。
『喂！橋中央有十幾隻喪屍……有好多仲起鐵路站方向行緊過去！！』Austin說。
『點…點解會無啦啦有咁多喪屍??』Wilson問。
『班喪屍9成9係鐵路站個過黎。』stanley答wilosn。
『明明已經鎖好個閘點解佢地會出到黎?????????』黎謹說。
受傷躲在地上的我此刻無心聽他們的對話，因為我看到有四至五隻喪屍已經在遠處留意到 我們，正在已不規則的步伐向我們方向移動中。
『而家唔係討論呢樣野既時間…咳咳…咳咳…牠們發現到我地了。』我咳著說，『我地要離開呢度』我接著說。
『我地無得返轉頭啦，先入街市避避先。』stanley扶著我同大家說。
說時遲那時快，原來有兩隻喪屍突圍而出已經到了升降機前，對我們虎視眈眈。
『嘩嘩嘩嘩！！！！有兩隻已經起我地後面！！走丫！！！！』Austin大叫。
我們用閃電般速度飛快地已到街市門口，但我們見到有兩個人仍然訓在地上係肥輝及其中 一個金毛男，正當我們猶疑緊既時候兩隻喪屍已經忍不住眼前食物的誘惑，已經發爛衝上 前享受美食。
此時肥輝剛好醒來正準備開口說話：『發生……嘩嘩嘩！！！呀呀呀呀呀呀呀！！！！』
其中一隻喪屍已經噗到他身上張開牠的血盆大口一口咬落肥輝頸上鮮血猶如噴泉般灑在地 上， 而還在昏迷的金毛男同樣比另一隻喪屍瘋狂撕咬，被咬到連體內內臟飛了都出來，場 面十分噁心。
『點解佢地要掉底自己同伴走！』Wislon手握拳頭說。
『末世來臨人性就變得如此不值錢。』Austin說。
『唔好再企響度，入去啦。』stanley說。
我地一行人入度街市第一時間先關好門，wilson及Austin仲搵了幾張枱及大量雜物頂住道 門，預防一下子有大量喪屍闖入，但我相信唔會捱到好耐，連鐵路站個閘班喪屍都可以衝 破，區區一道門加幾件雜物又可以抵擋幾耐?
隔左一陣已經聽到門外有好多拍門聲，我肯定門後面既喪屍係數之不盡………
掃視街市四周，隨了一個個熟食攤擋外，周圍都見不到有死人及喪屍，証明這裡應該安全， 突然間在其中一個熟食攤擋中有一個身影閃過。
『你個仆街響邊丫！快Ｄ放返麗慈佢地！！』wilson 已經急不及待想要救麗慈。
『我仲以為你地比出面班喪屍食哂，估唔到你地走得甩。』遠處聽到一把男人聲。
權哥響其中一個打冷擋慢步行出身後還有四個金毛男跟後一起行出來。
『但你地入得我地盤，唔洗指意有命出返去，因為呢度唔歡迎我地之外既男士。』權哥說。
『麗慈佢地呢！！快Ｄ放返地出來！！！』wilson 恕說。
『你地都將會死，講比你地知都冇用。』權哥說。
『同佢地講多都無謂我地郁手』stanley手拎警棍講。
權哥用舌頭舔舔手上豬肉刀講：『睇下你有幾多本事。』
『黎謹你去救人。』Austin說，Austin接著說『wilson，我地專心對付佢地。』，『好！』wilson說。
『我…都幫手…』我說。
『你要幫手就同黎謹去救人，你而家既狀況同佢地打只會做我地負累。』stanley說。
雖然stanley好串，但佢講既係事實我開打既話我一定會變成負累，我現在只能做既就係去 救人。
首先是Stanley先出手，他揮動警棍向權哥攻過去連續幾下連擊但都輕輕被權哥避開，而權 哥亦都不甘示弱手拎兩把豬肉刀向stanley還擊，此時與他之前交過手的金毛男亦都加入戰 團。
而另外三個金毛男想衝上來捉我們之際Wilson及Austin上前攔截他們。
『諾銘／黎謹，快Ｄ走！！去救人！』Austin大喝一聲。
佢兩個始終無stanley咁好打，面對著二對三局面會好危險。
我回應Austin：『二對三你地掂唔掂……』
Ａustin 不屑說：『唔好睇小我，叫得你地去救人你地去啦，唔好講咁多廢話！』
眼見Austin 一人對付兩金毛男，其中一個金毛男揮刀直砍Austin用刀擋開了，之後Austin 連擊三刀眼開力道不大但速度非常快，金毛男避不開第三刀右邊膊頭中刀但因為力道不大 只是輕微流血。
此時第二個金毛男突然揮刀偷襲Austin『你老尾！去死啦！』
與最後一個金毛男交手中的wilson 眼見情況大叫『Austin！！後面丫！！』
Austin即時回頭用刀擋，雖然擋致命傷右手被斬傷牛肉刀亦掉在地上。
『諾銘救人就交比你。』黎謹講完後，接著轉身跑回去幫 Austin。
金毛男想乘勝追擊時，黎謹響在後面隨手拎張凳車向金毛男，金毛男被擊中雙腳跪在地上。
『你返黎做乜！？唔係叫你去救人咩！』Austin用怪責語氣同黎謹說。
『得啦唔好咁長氣，老人院都唔收你。』黎謹回應。
『放心啦，救人交比我你地專心對付班仆街。』我邊跑邊說。
我入到去打冷擋廚房入面見到麗慈及進仔膠紙封口被綁在一角，而王師奶比個班人渣 毒打倒在地上。
我先解撕開麗慈及進仔膠紙，然後扶起王師奶……
『王師奶！王師奶！醒下丫！』我用手拍打她邊說。
慢慢地王師奶開始有意識張開雙眼……
『救進仔……救進仔……』王師奶喃喃自語。
『放心啦，我會救哂你地出去。』我說，接著再同麗慈說:『跟實我後面，照顧好進仔。』
『知道。』麗慈說。
正當我步出廚房時迎面有個人一腳張我踢開………