煉獄屍港: 第十章 - 對策

黎謹上氣不接下氣跑進廚房眼看見我們的狀況。

『嗄…嗄…嗄…睇黎救到人…』黎謹喘著氣說。

『我同進仔都冇咩事…但王師奶就…』麗慈不忍說下去。

『響呢個情況我地要有迎接死亡既準備，有好多事唔係我地可以控制唔到。』黎謹凝重地說，接著望向我這邊問:『諾銘你似乎傷得唔輕。』

『仲未死得住…我而家成身都郁唔到，如果而家有喪屍衝入來我實死能緊。』我躲在地上說。





『喪屍……係丫！！我入黎唔係慰問你地！！班喪屍爆開左道門衝哂入黎，而家出面有好多喪屍！！！』黎謹慌忙地說。

『咁能大獲！！Austin佢地呢響邊丫？』我問。

『佢地同班金毛男打緊既時侯班喪屍衝左入來，喪屍們先看見班金毛男佢地就衝上去，趁班喪屍注意力集中在金毛男時，Austin他們就去對面燒味擋匿埋，而我就近打冷擋這邊所以入來通知你地唔好出去。』黎謹解釋。

『咁而家點算？？諾銘又郁唔到，呢度都唔係匿得好耐。』麗慈緊張地說。

在這個十萬火急的情況下，諾銘我要冷靜，環觀廚房四周眼見地下有一罐罐打邊爐用的瓦 斯及一大罐石油氣我想到一個冒險的方法。





『我想到一個對策或者我們會有一線生機，但前提一定要Austin佢地配合到先得。』我說。

『我而家打比電話比佢，你同佢講。』黎謹說。

黎謹拎起電話打很多次都未能接通到，what app發訊息也沒有應機……唔通喪屍的影響已 波及到電訊公司??
『唔得…電話同what app 都無應機，諾銘其實你個個係咩對策?』黎謹說。

『如果班喪屍同睇電影既喪屍係一樣應該會好怕火，你地留唔留意到呢度有好多一罐罐打邊爐用的瓦斯及一大罐石油氣罐。』我說。

『哦！你想火燒喪屍！』黎謹說。





『答對一半，正確係我想引班喪屍集中響天橋門口位置然後炸９死佢地。』我說。

『點引丫？？你又訓左響度Austin佢地又唔知，得我一個做唔黎嫁……』黎謹擔怯說。

『其實有一個辦法可以通知到佢地。』我說。

『辦法??』黎謹充滿疑問。

『唔可以！！絕對唔可以！！』麗慈大聲說道。

麗慈剛剛的聲響吸引了附近的兩隻喪屍走近這打冷擋，幸好我們第一時間匿入廚房死角位， 未有發現我們。

『殊殊！！小姐你可唔可以細聲Ｄ，係咪想攬炒！』黎謹壓底聲線責罵麗慈。





『對唔住……頭先係激動左…但我唔會讚成諾銘個辦法！』麗慈說。

『佢都未講你唔讚成乜９丫？』黎謹無好氣說。

『緊係知先咁激動啦，佢想叫進仔過去燒味擋通知Austin佢地丫！無料扮四條！』麗慈串咀地回應黎謹。

『咁你贏囉，點估到佢要出動埋細路。』黎謹說。

『一人小句啦，麗慈呢個係無辦法之中既辦法，你都聽到權哥講喪屍係睇唔到水平線下方既事物，進仔既高度正正就是喪屍水平線下，只要我將個辦法寫落紙到再比進仔交給Austin佢地咁就成功。』我說。

『唔得丫！唔得丫！如果有咩意外進仔死硬！！我地點同王師奶交代！！』麗慈壓底聲線恕說。

『個個權哥講就咁講……但如果唔係真個細路死能緊。』黎謹說。

『諾銘……你可唔可以用返頭先個種能力。』麗慈說。





『唔係我唔想用，你都見到我而家咩狀況，我連起身都要人扶那有體力用剛剛既能力。』我無內地說。

『能力???咩能力??究竟剛剛發生咩事???』黎謹說。

『有命既再同你講，我地爭論都無用，不如問下進仔本人想唔想接受這個艱巨的任務，如果佢唔想我地都無得逼佢，硬來的話就等於送佢一程，同樣我們亦都會有危險。』我說。

進仔呆呆地企在麗慈身邊沒有出過一句聲，但他的眼神是望向我，從他的眼神我看得出他 有了一個決定。

進仔終於開口:『諾銘哥哥，我願意接受呢個任務。』