煉獄屍港: 第十二章 - 噩耗(1)

來電顯示著是老爸打來，雖然心中有疑問為何電話會通，但是是老爸打來的我一定要聽。

當我接聽電話後，電話裡面不停發出沙沙沙…沙沙沙…聲音，我不停喂喂喂都冇人回應，
直到大約5分鐘沙沙沙聲無哂，我再次講野。

『喂喂??老豆係唔係你??係就應我一句。』我問。

『仔，你而家響邊??幾時來到??』老豆問。

『我而家響街市二樓，因為發左D事，我現在趕過來。』我說。





『你要快D……我怕就來捱唔住…』老爸說。

老爸在電話說完這句後電話再一次變回沙沙沙聲，大約一分鐘電話內已沒有任何聲音。

『我要即刻去老爸個邊我驚佢出事……咳咳…』我說後雙腳無力跪在地上。

雖然麗慈幫我的傷做了緊急處理，但我現在身體是十分虛弱……

『你企都企唔穩點去救你父母?』Wilson扶起我說。





『我無事。』我撥開wilson不用他扶。

『大定都攰不如搵個地方休息下先。』麗慈說。

『我諗安基苑二樓入面應該無喪屍，如果有剛剛既爆炸聲一定會引佢地來，我地企響橋都有十幾分鐘，一隻喪屍都無殺過來正明二樓8成安全。』Austin說。

『仲有兩成呢?』黎謹說。

『突發事。我地估唔到既突發意外。』Austin 認真回應。




『你地想休息就自己休，我一個人去搵我父母。』我說。

『諾銘哥，你冷靜D啦！你傷成咁點救！去到咪盞送死，再講你父母真係出事你而家去到都遲，係無事既遲小小去都唔係一個問題，反正你本身都遲唔差在一時三刻。』黎謹不留情地說。

『黎謹！你把口食左屎講乜能野！我老豆老母唔會有事！你咪響度９ＵＰ！』我雙手捉實黎謹衣服怒視他破口大罵。

『吊！我都係講事實！』黎謹大聲說。

『你仲講！！！！』我說。

呢刻我真係好想一拳打落黎謹度，可惜我有傷在身無力打他，我明白他的說話，但佢地是 我父母無可能唔去救佢地。

此時Austin 及 Stanley 衝出來分開我們。

『黎謹收聲唔好再講野！』Austin喝他





黎謹被Austin 一喝即時收聲，此時stanley也拉走我。

『諾銘冷靜D，我理解你而家心情但如果貿貿然衝動行事，唔淨止救唔到你父母連你自己都好危險。』Stanley說。

『我夠知衝動危險，咁我可以點做！』我激動回應。

『所以叫你冷靜，我已有個提議。』stanley說

『未知既情況實在有很多很多，我地一行人一齊去救諾銘父母實在太危險，所以我諗過分兩隊人，一隊去救諾銘父母，一隊響安基苑二樓搜刮物資，因為加埋諾銘父母我們一行九人，如果無水及食物我地未比喪屍食都餓死渴死。』stanley 說。

一眾人包括我聽到這個提議都紛紛讚成，由stanley 的安排我們己分好兩隊人。

搜刮物資隊：Austin，黎謹，麗慈及進仔
救援隊:我， Stanley ， wilson





『你地有冇人有車牌』stanley 說

『我有』Austin 及 黎謹異口同聲說。
『太好了，盡可能響停車場搵兩部車』stanley說。

『現在報時晚上八點， 零時零分到安基苑二樓停車場等，如果超過十五分鐘其中一隊無到，就唔等。』 stanley 說。

我們就在商埸二樓分別，臨別前大家回頭互望大家『留返條命，唔好死!』