佢望一望客廳嘅杯麵同薯片同汽水,仲有啲零食,就口唸唸有詞:「14.6⋯⋯7.7⋯⋯6.4⋯⋯」
 
 
我對佢嗡乜實在大為不解,不過佢好快就解答咗我嘅疑惑。
 
 
「$45.4。」
 
 


「吓?」
 
 
「你食過嘅杯麵同零食,總數係$45.4,你鍾意過數都無所謂。」
 
 
我手中嘅薯片即係跌咗落地下。
 
 
「妳知道⋯⋯我係嚟幫妳㗎可?」我問。


 
 
「嗯嗯。所以我無計到買嘢用時間同氣力哩啲成本。」
 
 
「⋯⋯我啱啱幫妳打死咗隻小強⋯⋯」
 
 
「咁$45.3。」
 


 
「嘩痴線㗎,妳減1毫咁鬼多,妳會唔會唔夠錢過年呀?」
 
 
佢有啲疑惑咁問我:「小強值錢咩?」
 
 
我又真係答唔到佢⋯⋯
 
 
「你等一等啦,好快就會有奇怪嘅嘢發生。」