《我係窮郵差，專門幫陰陽相隔嘅親人送信》（書局上架中）: 60

 
 
但王胤瀅有啲擔心話：「但我覺得⋯⋯佢哋好似一直望住我，係咪錯覺？」
 
 
「係啦，妳太多心。」
 
 
當我哋出到城市，佢忍唔住：「嘩⋯⋯哩度⋯⋯好似⋯⋯」
 


 
「以前嘅香港嘛。」
 
 
「四處都係人力車同汽車，有半分似京都。」
 
 
「係嘅⋯⋯」
 
 


「我要送咗陳教授封信之後，先可以帶你去搵你媽媽。」
 
 
「都好嘅，陳生咁愛佢老婆，我都想知佢老婆收到咁浪漫嘅信會點。」
 
 
「哩度喺記載晒住喺陰間嘅人，佢哋所居住嘅地址，我哋就係靠哩本嘢去送信。」城市中心有座陰間嘅政府總部，門口就有一本簿。