《我係窮郵差，專門幫陰陽相隔嘅親人送信》（書局上架中）: 63

佢一聽到我講陳教授嘅名，立即驚到扔咗封信同禮盒落地下。
 
 
禮盒跌開、禮物散落出嚟，入面竟然係一個手扣。
 
 
「⋯⋯發生咩事？」王胤瀅不解咁詢問陳太太。
 
 
陳太太只係手係度不停發抖，個身都係度震。


 
 
口開開合合咁話：「點解⋯⋯點解⋯⋯點解要決定我嘅命運係咁⋯⋯」
 
 
「陳太⋯⋯？妳無事呀嘛？」
 
 
佢只係繼續係咁震，然後猛然推開我哋話：「走呀！你哋同我走呀！」
 


 
佢激動到我哋根本講咩都唔入耳，臉紅耳赤，情緒波動。
 
 
我哋無可奈何，只好先行離去。