《我係窮郵差，專門幫陰陽相隔嘅親人送信》（書局上架中）: 70

 
我腦海浮現住頭先佢哋襲擊我哋嘅畫面，心不禁為之一寒。
 
 
如果王胤瀅被佢哋捉咗，咁最可能嘅扣留地方，應該就係陰間嘅政府大樓。
 
 
要入去，除非有公文信件嘅通行，如果唔係，就只有哩個方法。
 
 


十秒後，我已經將嗰個守衛打倒喺地下。
 
 
二十秒後，附近嚟巡邏嘅守衛，好「順利」咁將我捉住。
 
 
三十秒後，我已經被關入等候室。
 
 
無幾耐之後，就有一個白色臉孔白色頭髮、亮麗黑色西裝嘅男人開門入嚟，酷似一個英國紳士。


 
 
身邊仲伴隨住四個守衛，特別兇惡，好似因為保護嘅人係要員嘅關係。