「無事㗎,無事㗎⋯⋯」
 
 
陳太好想離婚,但身邊嘅人只係當佢講笑,同勸佢唔好,忍下咪算。
 
 
因為香港根本就無婚內強姦哩宗罪,大家都會好理所當然咁覺得,結咗婚就代表乜都得,咁樣係完全無問題。
 
 


某一日,陳太終於受唔住,打開陳生放係屋企嘅藥箱,嗰一個令佢不斷受傷又生存藥箱⋯⋯佢將所有藥水、藥丸吞晒落肚。
 
 
佢望住自己個樣,好快變成青白,個胃有強烈翻滾感,好想嘔⋯⋯好剌痛⋯⋯然後佢再睇唔到嘢⋯⋯
 
 
「咁多年啦,我都算⋯⋯估唔到佢仲想困住我⋯⋯」陳太哭成淚人咁話:「求下你⋯⋯如果佢仲有繼續傷害人,就阻止佢!」
 
 
畀陳太咁講一講,我突然諗起個學生妹。


 
 
會唔會⋯⋯
 
 
「我已經唔緊要,但我唔想睇到更多人受害呀!」
 
 
我捉住佢隻手,安慰陳太話:「放心啦,如果我做到,我一定會阻止佢。」